| |
|

This overlay will guide you through the buttons:

Shloka 1
ऋषय उचुः।।
उद्यापनविधिं ब्रूहि शिवरात्रिव्रतस्य च॥यत्कृत्वा शंकरस्साक्षात्प्रसन्नो भवति धुवम्॥१॥
udyāpanavidhiṃ brūhi śivarātrivratasya ca..yatkṛtvā śaṃkarassākṣātprasanno bhavati dhuvam..1..
Shloka 2
सूत उवाच।।
श्रूयतामृषयो भक्त्या तदुद्यापनमादरात्॥यस्यानुष्ठानतः पूर्णं व्रतं भवति तद्ध्रुवम्॥२॥
śrūyatāmṛṣayo bhaktyā tadudyāpanamādarāt..yasyānuṣṭhānataḥ pūrṇaṃ vrataṃ bhavati taddhruvam..2..
Shloka 3
चतुर्दशाब्दं कर्तव्यं शिवरात्रिव्रतं शुभम्॥एकभक्तं त्रयोदश्यां चतुर्दश्यामुपोषणम्॥३॥
caturdaśābdaṃ kartavyaṃ śivarātrivrataṃ śubham..ekabhaktaṃ trayodaśyāṃ caturdaśyāmupoṣaṇam..3..
Shloka 4
शिवरात्रिदिने प्राप्ते नित्यं संपाद्य वै विधिम्॥शिवालयं ततो गत्वा पूजां कृत्वा यथाविधि॥४॥
śivarātridine prāpte nityaṃ saṃpādya vai vidhim..śivālayaṃ tato gatvā pūjāṃ kṛtvā yathāvidhi..4..
Shloka 5
ततश्च कारयेद्दिव्यं मण्डलं तत्र यत्नतः॥गौरीतिलकनाम्ना वै प्रसिद्धं भुवनत्रये।५॥
tataśca kārayeddivyaṃ maṇḍalaṃ tatra yatnataḥ..gaurītilakanāmnā vai prasiddhaṃ bhuvanatraye.5..
Shloka 6
तन्मध्ये लेखयेद्दिव्यं लिंगतो भद्रमण्डलम्॥अथवा सर्वतोभद्रं मण्डपान्तः प्रकल्पयेत् ॥ ६॥
tanmadhye lekhayeddivyaṃ liṃgato bhadramaṇḍalam..athavā sarvatobhadraṃ maṇḍapāntaḥ prakalpayet .. 6..
Shloka 7
कुंभास्तत्र प्रकर्तव्याः प्राजापत्यविसंज्ञया॥सवस्त्रास्सफलास्तत्र दक्षिणासहिताः शुभाः ॥ ७॥
kuṃbhāstatra prakartavyāḥ prājāpatyavisaṃjñayā..savastrāssaphalāstatra dakṣiṇāsahitāḥ śubhāḥ .. 7..
Shloka 8
मण्डलस्य च पार्श्वे वै स्थापनीयाः प्रयत्नतः ॥ मध्ये चैकश्च संस्थाप्यः सौवर्णो वापरो घटः ॥ ८ ॥
maṇḍalasya ca pārśve vai sthāpanīyāḥ prayatnataḥ .. madhye caikaśca saṃsthāpyaḥ sauvarṇo vāparo ghaṭaḥ .. 8 ..
Shloka 9
तत्रोमासहितां शंभुमूर्तिन्निर्माय हाटकीम् ॥ पलेन वा तदर्द्धेन यथाशक्त्याथवा व्रती ॥ ९ ॥
tatromāsahitāṃ śaṃbhumūrtinnirmāya hāṭakīm .. palena vā tadarddhena yathāśaktyāthavā vratī .. 9 ..
Shloka 10
निधाय वामभागे तु शिवामूर्त्तिमतन्द्रितः ॥ मदीयां दक्षिणे भागे कृत्वा रात्रौ प्रपूजयेत् ॥ 4.39.१० ॥
nidhāya vāmabhāge tu śivāmūrttimatandritaḥ .. madīyāṃ dakṣiṇe bhāge kṛtvā rātrau prapūjayet .. 4.39.10 ..
Shloka 11
आचार्यं वरयेत्तत्र चर्त्विग्भिस्सहितं शुचिम् ॥ अनुज्ञातश्च तैर्भक्त्या शिवपूजां समाचरेत् ॥ ११ ॥
ācāryaṃ varayettatra cartvigbhissahitaṃ śucim .. anujñātaśca tairbhaktyā śivapūjāṃ samācaret .. 11 ..
Shloka 12
रात्रौ जागरणं कुर्यात्पूजां यामोद्भवां चरन्॥रात्रिमाक्रमयेत्सर्वां गीतनृत्यादिना व्रती ॥ १२ ॥
rātrau jāgaraṇaṃ kuryātpūjāṃ yāmodbhavāṃ caran..rātrimākramayetsarvāṃ gītanṛtyādinā vratī .. 12 ..
Shloka 13
एवं सम्पूज्य विधिवत्संतोष्य प्रातरेव च ॥ पुनः पूजां ततः कृत्वा होमं कुर्याद्यथाविधि ॥ १३ ॥
evaṃ sampūjya vidhivatsaṃtoṣya prātareva ca .. punaḥ pūjāṃ tataḥ kṛtvā homaṃ kuryādyathāvidhi .. 13 ..
Shloka 14
यथाशक्ति विधानं च प्राजापत्यं समाचरेत् ॥ ब्राह्मणान्भोजयेत्प्रीत्या दद्याद्दानानि भक्तितः ॥ १४ ॥
yathāśakti vidhānaṃ ca prājāpatyaṃ samācaret .. brāhmaṇānbhojayetprītyā dadyāddānāni bhaktitaḥ .. 14 ..
Shloka 15
ऋत्विजश्च सपत्नीकान्वस्त्रालङ्कारभूषणैः ॥ अलङ्कृत्य विधानेन दद्याद्दानं पृथक्पृथक् ॥ १५ ॥
ṛtvijaśca sapatnīkānvastrālaṅkārabhūṣaṇaiḥ .. alaṅkṛtya vidhānena dadyāddānaṃ pṛthakpṛthak .. 15 ..
Shloka 16
गां सवत्सां विधानेन यथोपस्करसंयुताम् ॥ उक्त्वाचार्याय वै दद्याच्छिवो मे प्रीयतामिति ॥ १६ ॥
gāṃ savatsāṃ vidhānena yathopaskarasaṃyutām .. uktvācāryāya vai dadyācchivo me prīyatāmiti .. 16 ..
Shloka 17
तत्तस्सकुम्भां तन्मूर्तिं सवस्त्रां वृषभे स्थिताम् ॥ सर्वालंकारसहितामाचार्याय निवेदयेत् ॥ १७ ॥
tattassakumbhāṃ tanmūrtiṃ savastrāṃ vṛṣabhe sthitām .. sarvālaṃkārasahitāmācāryāya nivedayet .. 17 ..
Shloka 18
ततः संप्रार्थयेद्देवं महेशानं महाप्रभुम्॥कृतांजलिर्नतस्कन्धस्सुप्रीत्या गद्गदाक्षरः ॥ १८॥
tataḥ saṃprārthayeddevaṃ maheśānaṃ mahāprabhum..kṛtāṃjalirnataskandhassuprītyā gadgadākṣaraḥ .. 18..
Shloka 19
देवदेव महादेव शरणागतवत्सल ॥ व्रतेनानेन देवेश कृपां कुरु ममोपरि ॥ १९ ॥
devadeva mahādeva śaraṇāgatavatsala .. vratenānena deveśa kṛpāṃ kuru mamopari .. 19 ..
Shloka 20
मया भक्त्यनुसारेण व्रतमेतत्कृतं शिवा ॥ न्यूनं सम्पूर्णतां यातु प्रसादात्तव शङ्कर ॥ 4.39.२०॥
mayā bhaktyanusāreṇa vratametatkṛtaṃ śivā .. nyūnaṃ sampūrṇatāṃ yātu prasādāttava śaṅkara .. 4.39.20..
Shloka 21
अज्ञानाद्यदि वा ज्ञानाज्जपपूजादिकं मया ॥ कृतं तदस्तु कृपया सफलं तव शङ्कर ॥ २१॥
ajñānādyadi vā jñānājjapapūjādikaṃ mayā .. kṛtaṃ tadastu kṛpayā saphalaṃ tava śaṅkara .. 21..
Shloka 22
एवं पुष्पांजलिं दत्त्वा शिवाय परमात्मने ॥ नमस्कारं ततः कुर्यात्प्रार्थनां पुनरेव च ॥ २२ ॥
evaṃ puṣpāṃjaliṃ dattvā śivāya paramātmane .. namaskāraṃ tataḥ kuryātprārthanāṃ punareva ca .. 22 ..
Shloka 23
एवं व्रतं कृतं येन न्यूनं तस्य न विद्यते ॥ मनोभीष्टां ततः सिद्धिं लभते नात्र संशयः ॥ २३ ॥
evaṃ vrataṃ kṛtaṃ yena nyūnaṃ tasya na vidyate .. manobhīṣṭāṃ tataḥ siddhiṃ labhate nātra saṃśayaḥ .. 23 ..
Shloka 24
इति श्रीशिवमहापुराणे चतुर्थ्यां कोटित्त्वसंहितायां शिवरात्रिव्रतोद्यापनं नामैकोनचत्वारिंशोऽध्यायः ॥ ३९ ॥
iti śrīśivamahāpurāṇe caturthyāṃ koṭittvasaṃhitāyāṃ śivarātrivratodyāpanaṃ nāmaikonacatvāriṃśo'dhyāyaḥ .. 39 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In