Gyaandweep | Atharva Veda , Kanda 6, Sukta 3

पातं न इन्द्रापूषणादितिः पान्तु मरुतः ।अपां नपात्सिन्धवः सप्त पातन पातु नो विष्णुरुत द्यौः ॥१॥

pātaṃ na indrāpūṣaṇāditiḥ pāntu marutaḥ |apāṃ napātsindhavaḥ sapta pātana pātu no viṣṇuruta dyauḥ ||1||

पातां नो द्यावापृथिवी अभिष्टये पातु ग्रावा पातु सोमो नो अंहसः ।पातु नो देवी सुभगा सरस्वती पात्वग्निः शिवा ये अस्य पायवः ॥२॥

pātāṃ no dyāvāpṛthivī abhiṣṭaye pātu grāvā pātu somo no aṃhasaḥ |pātu no devī subhagā sarasvatī pātvagniḥ śivā ye asya pāyavaḥ ||2||

पातां नो देवाश्विना शुभस्पती उषासानक्तोत न उरुष्यताम् ।अपां नपादभिह्रुती गयस्य चिद्देव त्वष्टर्वर्धय सर्वतातये ॥३॥

pātāṃ no devāśvinā śubhaspatī uṣāsānaktota na uruṣyatām |apāṃ napādabhihrutī gayasya ciddeva tvaṣṭarvardhaya sarvatātaye ||3||

Languages