ततः स मध्यंगतमंशुमन्तं ज्योत्स्नावितानं महदुद्वमन्तम् । ददर्श धीमान् दिवि भानुमन्तं गोष्ठे वृषं मत्तमिव भ्रमन्तम्।। १।।
tatah sa madhyamgatamamsumantam jyotsnavitanam mahadudvamantam | dadarsa dhiman divi bhanumantam gosthe vrsam mattamiva bhramantam|| 1||
लोकस्य पापानि विनाशयन्तं महोदधिं चापि समेधयन्तम् । भूतानि सर्वाणि विराजयन्तं ददर्श शीतांशुमथाभियान्तम्।। २।।
lokasya papani vinasayantam mahodadhim capi samedhayantam | bhutani sarvani virajayantam dadarsa sitamsumathabhiyantam|| 2||
या भाति लक्ष्मीर्भुवि मन्दरस्था तथा प्रदोषेषु च सागरस्था । तथैव तोयेषु च पुष्करस्था रराज सा चारुनिशाकरस्था।। ३।।
ya bhati laksmirbhuvi mandarastha tatha pradosesu ca sagarastha | tathaiva toyesu ca puskarastha raraja sa carunisakarastha|| 3||
हंसो यथा राजतपञ्जरस्थः सिंहो यथा मन्दरकन्दरस्थः । वीरो यथा गर्वितकुञ्जरस्थ चन्द्रोऽपि बभ्राज तथाम्बरस्थः।। ४।।
hamso yatha rajatapanjarasthah simho yatha mandarakandarasthah | viro yatha garvitakunjarastha candro'pi babhraja tathambarasthah|| 4||
स्थितः ककुद्मानिव तीक्ष्णशृङ्गो महाचलः श्वेत इवोच्चशृङ्गः । हस्तीव जाम्बूनदबद्धशृङ्गो रराज चन्द्रः परिपूर्णशृङ्गः।। ५।।
sthitah kakudmaniva tiksnasrṅgo mahacalah sveta ivoccasrṅgah | hastiva jambunadabaddhasrṅgo raraja candrah paripurnasrṅgah|| 5||
विनष्टशीताम्बुतुषारपङ्को महाग्रहग्राहविनष्टपङ्कः । प्रकाशलक्ष्म्याश्रयनिर्मलाङ्क: रराज चन्द्रो भगवान् शशाङ्कः।। ६।।
vinastasitambutusarapaṅko mahagrahagrahavinastapaṅkah | prakasalaksmyasrayanirmalaṅka: raraja candro bhagavan sasaṅkah|| 6||
शिलातलं प्राप्य यथा मृगेन्द्रो महारणं प्राप्य यथा गजेन्द्रः । राज्यं समासाद्य यथा नरेन्द्र स्तथाप्रकाशो विरराज चन्द्रः।। ७।।
silatalam prapya yatha mrgendro maharanam prapya yatha gajendrah | rajyam samasadya yatha narendra stathaprakaso viraraja candrah|| 7||
प्रकाशचन्द्रोदयनष्टदोषः प्रवृत्तरक्षः पिशिताशदोषः । रामाभिरामेरितचित्तदोषः स्वर्गप्रकाशो भगवान् प्रदोषः।। ८।।
prakasacandrodayanastadosah pravrttaraksah pisitasadosah | ramabhirameritacittadosah svargaprakaso bhagavan pradosah|| 8||
तन्त्रीस्वनाः कर्णसुखाः प्रवृत्ताः स्वपन्ति नार्यः पतिभिः सुवृत्ताः । नक्तंचराश्चापि तथा प्रवृत्ता: विहर्तुमत्यद्भुतरौद्रवृत्ताः।। ९।।
tantrisvanah karnasukhah pravrttah svapanti naryah patibhih suvrttah | naktamcarascapi tatha pravrtta: vihartumatyadbhutaraudravrttah|| 9||
मत्तप्रमत्तानि समाकुलानि रथाश्वभद्रासनसङ्कुलानि । वीरश्रिया चापि समाकुलानि ददर्श धीमान् स कपिः कुलानि।। १०।।
mattapramattani samakulani rathasvabhadrasanasaṅkulani | virasriya capi samakulani dadarsa dhiman sa kapih kulani|| 10||
परस्परं चाधिकमाक्षिपन्ति भुजांश्च पीनानधिकं क्षिपन्ति । मत्तप्रलापानधिकं क्षिपन्ति मत्तानि चान्योन्यमधिक्षिपन्ति।। ११।।
parasparam cadhikamaksipanti bhujamsca pinanadhikam ksipanti | mattapralapanadhikam ksipanti mattani canyonyamadhiksipanti|| 11||
रक्षांसि वक्षांसि च विक्षिपन्ति गात्राणि कान्तासु च विक्षिपन्ति । रूपाणि चित्राणि च विक्षिपन्ति दृढानि चापानि च विक्षिपन्ति।। १२।।
raksamsi vaksamsi ca viksipanti gatrani kantasu ca viksipanti | rupani citrani ca viksipanti drdhani capani ca viksipanti|| 12||
ददर्श कान्ताश्च समालभन्त्य स्तथा परास्तत्र पुनः स्वपन्त्यः। सुरूपवक्त्राश्च तथा हसन्त्यः क्रुद्धाः पराश्चापि विनिःश्वसन्त्य।। १३।।
dadarsa kantasca samalabhantya statha parastatra punah svapantyah | surupavaktrasca tatha hasantyah kruddhah parascapi vinihsvasantya|| 13||
महागजैश्चापि तथा नदद्भि: सुपूजितैश्चापि तथा सुसद्भिः। रराज वीरैश्च विनिःश्वसद्भिः ह्रदो भुजङ्गैरिव निःश्वसद्भिः।। १४।।
mahagajaiscapi tatha nadadbhi: supujitaiscapi tatha susadbhih | raraja viraisca vinihsvasadbhih hrado bhujaṅgairiva nihsvasadbhih|| 14||
बुद्धिप्रधानान् रुचिराभिधानान् संश्रद्धधानान् जगतः प्रधानान् । नानाविधानान् रुचिराभिधानान् ददर्श तस्यां पुरि यातुधानान्।। १५।।
buddhipradhanan rucirabhidhanan samsraddhadhanan jagatah pradhanan | nanavidhanan rucirabhidhanan dadarsa tasyam puri yatudhanan|| 15||
ननन्द दृष्ट्वा स च तान् सुरूपान्नानागुणानात्मगुणानुरूपान् । विद्योतमानान्स तदानुरूपान् ददर्श कांश्चिच्च पुनर्विरूपान्।। १६।।
nananda drstva sa ca tan surupan nanagunanatma gunanurupan | vidyotamanansa tadanurupan dadarsa kamscicca punarvirupan|| 16||
ततो वरार्हाः सुविशुद्धभावा स्तेषां स्त्रियस्तत्र महानुभावाः । प्रियेषु पानेषु च सक्तभावा ददर्श तारा इव सुप्रभावाः।। १७।।
tato vararhah suvisuddhabhava stesam striyastatra mahanubhavah | priyesu panesu ca saktabhava dadarsa tara iva suprabhavah|| 17||
श्रिया ज्वलन्तीस्त्रपयोपगूढा निशीथकाले रमणोपगूढाः । ददर्श काश्चित्प्रमदोपगूढा यथा विहङ्गाः कुसुमोपगूढाः।। १८।।
sriya jvalantistrapayopagudha nisithakale ramanopagudhah | dadarsa kascitpramadopagudha yatha vihaṅgah kusumopagudhah|| 18||
अन्याः पुनर्हर्म्यतलोपविष्टा स्तत्र प्रियाङ्केषु सुखोपविष्टाः । भर्तुः प्रिया धर्मपरा निविष्टा ददर्श धीमान् मदनाभिविष्टाः।। १९।।
anyah punarharmyatalopavista statra priyaṅkesu sukhopavistah | bhartuh priya dharmapara nivista dadarsa dhiman madanabhivistah|| 19||
अप्रावृताः काञ्चनराजिवर्णाः काश्चित्परार्थ्यास्तपनीयवर्णाः । पुनश्च काश्चिच्छशलक्ष्मवर्णाः कान्तप्रहीणा रुचिराङ्गवर्णाः।। २०।।
apravrtah kancanarajivarnah kascitpararthyastapaniyavarnah | punasca kascicchasalaksmavarnah kantaprahina ruciraṅgavarnah|| 20||
ततः प्रियान् प्राप्य मनोभिरामाः सुप्रीतियुक्ताः प्रसमीक्ष्यरामाः । गृहेषु हृष्टाः परमाभिरामाः हरिप्रवीरः स ददर्श रामाः।। २१।।
tatah priyan prapya manobhiramah supritiyuktah prasamiksyaramah | grhesu hrstah paramabhiramah haripravirah sa dadarsa ramah|| 21||
चन्द्रप्रकाशाश्च हि वक्त्रमालाः वक्राक्षिपक्ष्माश्च सुनेत्रमालाः । विभूषणानां च ददर्श मालाः शतह्रदानामिव चारुमालाः।। २२।।
candraprakasasca hi vaktramalah vakraksipaksmasca sunetramalah | vibhusananam ca dadarsa malah satahradanamiva carumalah|| 22||
न त्वेव सीतां परमाभिजातां पथि स्थिते राजकुले प्रजाताम् । लतां प्रपुल्लामिव साधु जातां ददर्श तन्वीं मनसाभिजाताम्।। २३।।
na tveva sitam paramabhijatam pathi sthite rajakule prajatam| l atam prapullamiva sadhu jatam dadarsa tanvim manasabhijatam|| 23||
सनातने वर्त्मनि सन्निविष्टां रामेक्षणां तां मदनाभिविष्टाम् । भर्तुर्मनः श्रीमदनुप्रविष्टां स्त्रीभ्यो वराभ्यश्च सदा विशिष्टाम्।। २४।।
sanatane vartmani sannivistam rameksanam tam madanabhivistam | bharturmanah srimadanupravistam stribhyo varabhyasca sada visistam|| 24||
उष्णार्दितां सानुसृतास्रकण्ठीम् पुरा वरार्होत्तमनिष्ककण्ठीम् । सुजातपक्ष्मामभिरक्तकण्ठीं वनेऽप्रवृत्तामिव नीलकण्ठीम्।। २५।।
usnarditam sanusrtasrakanthim pura vararhottamaniskakanthim | sujatapaksmamabhiraktakanthim vane'pravrttamiva nilakanthim|| 25||
अव्यक्तरेखामिव चन्द्ररेखां पांसुप्रदिग्धामिव हेमरेखाम् । क्षतप्ररूढामिव बाणरेखां वायुप्रभिन्नामिव मेघरेखाम्।। २६।।
avyaktarekhamiva candrarekham pamsupradigdhamiva hemarekham | ksataprarudhamiva banarekham vayuprabhinnamiva megharekham|| 26||
सीतामपश्यन् मनुजेश्वरस्य रामस्य पत्नीं वदतां वरस्य । बभूव दुःखाभिहतश्चिरस्य प्लवङ्गमो मन्द इवाचिरस्य।। २७।।
sitamapasyan manujesvarasya ramasya patnim vadatam varasya | babhuva duhkhabhihatascirasya plavaṅgamo manda ivacirasya|| 27||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
