This overlay will guide you through the buttons:

| |
|
Shloka 1
ते रावणवधं दृष्ट्वा देवगन्धर्वदानवाः। जग्मुः स्वैः स्वैर्विमानैस्ते कथयन्तः शुभाः कथाः॥ १॥

PADACHEDA

ते रावण-वधम् दृष्ट्वा देव-गन्धर्व-दानवाः। जग्मुः स्वैः स्वैः विमानैः ते कथयन्तः शुभाः कथाः॥ १॥

TRANSLITERATION

te rāvaṇa-vadham dṛṣṭvā deva-gandharva-dānavāḥ. jagmuḥ svaiḥ svaiḥ vimānaiḥ te kathayantaḥ śubhāḥ kathāḥ.. 1..
Shloka 2
रावणस्य वधं घोरं राघवस्य पराक्रमम्। सुयुद्धं वानराणां च सुग्रीवस्य च मन्त्रितम्॥ २॥

PADACHEDA

रावणस्य वधम् घोरम् राघवस्य पराक्रमम्। सु युद्धम् वानराणाम् च सुग्रीवस्य च मन्त्रितम्॥ २॥

TRANSLITERATION

rāvaṇasya vadham ghoram rāghavasya parākramam. su yuddham vānarāṇām ca sugrīvasya ca mantritam.. 2..
Shloka 3
अनुरागं च वीर्यं च मारुतेर्लक्ष्मणस्य च। पतिव्रतात्वं सीताया हनूमति पराक्रमम्॥ ३॥

PADACHEDA

अनुरागम् च वीर्यम् च मारुतेः लक्ष्मणस्य च। पतिव्रता-त्वम् सीतायाः हनूमति पराक्रमम्॥ ३॥

TRANSLITERATION

anurāgam ca vīryam ca māruteḥ lakṣmaṇasya ca. pativratā-tvam sītāyāḥ hanūmati parākramam.. 3..
Shloka 4
कथयन्तो महाभागा जग्मुर्हृष्टा यथागतम्। राघवस्तु रथं दिव्यमिन्द्रदत्तं शिखिप्रभम्॥ ४॥

PADACHEDA

कथयन्तः महाभागाः जग्मुः हृष्टाः यथागतम्। राघवः तु रथम् दिव्यम् इन्द्र-दत्तम् शिखि-प्रभम्॥ ४॥

TRANSLITERATION

kathayantaḥ mahābhāgāḥ jagmuḥ hṛṣṭāḥ yathāgatam. rāghavaḥ tu ratham divyam indra-dattam śikhi-prabham.. 4..
Shloka 5
अनुज्ञाप्य महाबाहुर्मातलिं प्रत्यपूजयत्। राघवेणाभ्यनुज्ञातो मातलिः शक्रसारथिः॥ ५॥

PADACHEDA

अनुज्ञाप्य महा-बाहुः मातलिम् प्रत्यपूजयत्। राघवेण अभ्यनुज्ञातः मातलिः शक्र-सारथिः॥ ५॥

TRANSLITERATION

anujñāpya mahā-bāhuḥ mātalim pratyapūjayat. rāghaveṇa abhyanujñātaḥ mātaliḥ śakra-sārathiḥ.. 5..
Shloka 6
दिव्यं तं रथमास्थाय दिवमेवोत्पपात ह। तस्मिंस्तु दिवमारूढे सरथे रथिनां वरः॥ ६॥

PADACHEDA

दिव्यम् तम् रथम् आस्थाय दिवम् एव उत्पपात ह। तस्मिन् तु दिवम् आरूढे स रथे रथिनाम् वरः॥ ६॥

TRANSLITERATION

divyam tam ratham āsthāya divam eva utpapāta ha. tasmin tu divam ārūḍhe sa rathe rathinām varaḥ.. 6..
Shloka 7
राघवः परमप्रीतः सुग्रीवं परिषस्वजे। परिष्वज्य च सुग्रीवं लक्ष्मणेनाभिवादितः॥ ७॥

PADACHEDA

राघवः परम-प्रीतः सुग्रीवम् परिषस्वजे। परिष्वज्य च सुग्रीवम् लक्ष्मणेन अभिवादितः॥ ७॥

TRANSLITERATION

rāghavaḥ parama-prītaḥ sugrīvam pariṣasvaje. pariṣvajya ca sugrīvam lakṣmaṇena abhivāditaḥ.. 7..
Shloka 8
पूज्यमानो हरिगणैराजगाम बलालयम्। अथोवाच स काकुत्स्थः समीपपरिवर्तिनम्॥ ८॥

PADACHEDA

पूज्यमानः हरि-गणैः आजगाम बल-आलयम्। अथा उवाच स काकुत्स्थः समीप-परिवर्तिनम्॥ ८॥

TRANSLITERATION

pūjyamānaḥ hari-gaṇaiḥ ājagāma bala-ālayam. athā uvāca sa kākutsthaḥ samīpa-parivartinam.. 8..
Shloka 9
सौमित्रिं सत्त्वसम्पन्नं लक्ष्मणं दीप्ततेजसम्। विभीषणमिमं सौम्य लङ्कायामभिषेचय॥ ९॥

PADACHEDA

सौमित्रिम् सत्त्व-सम्पन्नम् लक्ष्मणम् दीप्त-तेजसम्। विभीषणम् इमम् सौम्य लङ्कायाम् अभिषेचय॥ ९॥

TRANSLITERATION

saumitrim sattva-sampannam lakṣmaṇam dīpta-tejasam. vibhīṣaṇam imam saumya laṅkāyām abhiṣecaya.. 9..
Shloka 10
अनुरक्तं च भक्तं च तथा पूर्वोपकारिणम्। एष मे परमः कामो यदिमं रावणानुजम्॥ १०॥

PADACHEDA

अनुरक्तम् च भक्तम् च तथा पूर्व-उपकारिणम्। एष मे परमः कामः यत् इमम् रावण-अनुजम्॥ १०॥

TRANSLITERATION

anuraktam ca bhaktam ca tathā pūrva-upakāriṇam. eṣa me paramaḥ kāmaḥ yat imam rāvaṇa-anujam.. 10..
Shloka 11
लङ्कायां सौम्य पश्येयमभिषिक्तं विभीषणम्। एवमुक्तस्तु सौमित्री राघवेण महात्मना॥ ११॥

PADACHEDA

लङ्कायाम् सौम्य पश्येयम् अभिषिक्तम् विभीषणम्। एवम् उक्तः तु सौमित्रिः राघवेण महात्मना॥ ११॥

TRANSLITERATION

laṅkāyām saumya paśyeyam abhiṣiktam vibhīṣaṇam. evam uktaḥ tu saumitriḥ rāghaveṇa mahātmanā.. 11..
Shloka 12
तथेत्युक्त्वा सुसंहृष्टः सौवर्णं घटमाददे। तं घटं वानरेन्द्राणां हस्ते दत्त्वा मनोजवान्॥ १२॥

PADACHEDA

तथा इति उक्त्वा सु संहृष्टः सौवर्णम् घटम् आददे। तम् घटम् वानर-इन्द्राणाम् हस्ते दत्त्वा मनोजवान्॥ १२॥

TRANSLITERATION

tathā iti uktvā su saṃhṛṣṭaḥ sauvarṇam ghaṭam ādade. tam ghaṭam vānara-indrāṇām haste dattvā manojavān.. 12..
Shloka 13
व्यादिदेश महासत्त्वान् समुद्रसलिलं तदा। अतिशीघ्रं ततो गत्वा वानरास्ते मनोजवाः॥ १३॥

PADACHEDA

व्यादिदेश महा-सत्त्वान् समुद्र-सलिलम् तदा। अति शीघ्रम् ततस् गत्वा वानराः ते मनोजवाः॥ १३॥

TRANSLITERATION

vyādideśa mahā-sattvān samudra-salilam tadā. ati śīghram tatas gatvā vānarāḥ te manojavāḥ.. 13..
Shloka 14
आगतास्तु जलं गृह्य समुद्राद् वानरोत्तमाः। ततस्त्वेकं घटं गृह्य संस्थाप्य परमासने॥ १४॥

PADACHEDA

आगताः तु जलम् गृह्य समुद्रात् वानर-उत्तमाः। ततस् तु एकम् घटम् गृह्य संस्थाप्य परम-आसने॥ १४॥

TRANSLITERATION

āgatāḥ tu jalam gṛhya samudrāt vānara-uttamāḥ. tatas tu ekam ghaṭam gṛhya saṃsthāpya parama-āsane.. 14..
Shloka 15
घटेन तेन सौमित्रिरभ्यषिञ्चद् विभीषणम्। लङ्कायां रक्षसां मध्ये राजानं रामशासनात्॥ १५॥

PADACHEDA

घटेन तेन सौमित्रिः अभ्यषिञ्चत् विभीषणम्। लङ्कायाम् रक्षसाम् मध्ये राजानम् राम-शासनात्॥ १५॥

TRANSLITERATION

ghaṭena tena saumitriḥ abhyaṣiñcat vibhīṣaṇam. laṅkāyām rakṣasām madhye rājānam rāma-śāsanāt.. 15..
Shloka 16
विधिना मन्त्रदृष्टेन सुहृद्गणसमावृतम्। अभ्यषिञ्चस्तदा सर्वे राक्षसा वानरास्तथा॥ १६॥

PADACHEDA

विधिना मन्त्र-दृष्टेन सुहृद्-गण-समावृतम्। अभ्यषिञ्चः तदा सर्वे राक्षसाः वानराः तथा॥ १६॥

TRANSLITERATION

vidhinā mantra-dṛṣṭena suhṛd-gaṇa-samāvṛtam. abhyaṣiñcaḥ tadā sarve rākṣasāḥ vānarāḥ tathā.. 16..
Shloka 17
प्रहर्षमतुलं गत्वा तुष्टुवू राममेव हि। तस्यामात्या जहृषिरे भक्ता ये चास्य राक्षसाः॥ १७॥

PADACHEDA

प्रहर्षम् अतुलम् गत्वा तुष्टुवुः रामम् एव हि। तस्य अमात्याः जहृषिरे भक्ताः ये च अस्य राक्षसाः॥ १७॥

TRANSLITERATION

praharṣam atulam gatvā tuṣṭuvuḥ rāmam eva hi. tasya amātyāḥ jahṛṣire bhaktāḥ ye ca asya rākṣasāḥ.. 17..
Shloka 18
दृष्ट्वाभिषिक्तं लङ्कायां राक्षसेन्द्रं विभीषणम्। राघवः परमां प्रीतिं जगाम सहलक्ष्मणः॥ १८॥

PADACHEDA

दृष्ट्वा अभिषिक्तम् लङ्कायाम् राक्षस-इन्द्रम् विभीषणम्। राघवः परमाम् प्रीतिम् जगाम सहलक्ष्मणः॥ १८॥

TRANSLITERATION

dṛṣṭvā abhiṣiktam laṅkāyām rākṣasa-indram vibhīṣaṇam. rāghavaḥ paramām prītim jagāma sahalakṣmaṇaḥ.. 18..
Shloka 19
स तद् राज्यं महत् प्राप्य रामदत्तं विभीषणः। सान्त्वयित्वा प्रकृतयस्ततो राममुपागमत्॥ १९॥

PADACHEDA

स तत् राज्यम् महत् प्राप्य राम-दत्तम् विभीषणः। सान्त्वयित्वा प्रकृतयः ततस् रामम् उपागमत्॥ १९॥

TRANSLITERATION

sa tat rājyam mahat prāpya rāma-dattam vibhīṣaṇaḥ. sāntvayitvā prakṛtayaḥ tatas rāmam upāgamat.. 19..
Shloka 20
दध्यक्षतान् मोदकांश्च लाजाः सुमनसस्तथा। आजह्रुरथ संहृष्टाः पौरास्तस्मै निशाचराः॥ २०॥

PADACHEDA

दधि-अक्षतान् मोदकान् च लाजाः सुमनसः तथा। आजह्रुः अथ संहृष्टाः पौराः तस्मै निशाचराः॥ २०॥

TRANSLITERATION

dadhi-akṣatān modakān ca lājāḥ sumanasaḥ tathā. ājahruḥ atha saṃhṛṣṭāḥ paurāḥ tasmai niśācarāḥ.. 20..
Shloka 21
स तान् गृहीत्वा दुर्धर्षो राघवाय न्यवेदयत्। मङ्गल्यं मङ्गलं सर्वं लक्ष्मणाय च वीर्यवान्॥ २१॥

PADACHEDA

स तान् गृहीत्वा दुर्धर्षः राघवाय न्यवेदयत्। मङ्गल्यम् मङ्गलम् सर्वम् लक्ष्मणाय च वीर्यवान्॥ २१॥

TRANSLITERATION

sa tān gṛhītvā durdharṣaḥ rāghavāya nyavedayat. maṅgalyam maṅgalam sarvam lakṣmaṇāya ca vīryavān.. 21..
Shloka 22
कृतकार्यं समृद्धार्थं दृष्ट्वा रामो विभीषणम्। प्रतिजग्राह तत् सर्वं तस्यैव प्रतिकाम्यया॥ २२॥

PADACHEDA

कृत-कार्यम् समृद्ध-अर्थम् दृष्ट्वा रामः विभीषणम्। प्रतिजग्राह तत् सर्वम् तस्य एव प्रतिकाम्यया॥ २२॥

TRANSLITERATION

kṛta-kāryam samṛddha-artham dṛṣṭvā rāmaḥ vibhīṣaṇam. pratijagrāha tat sarvam tasya eva pratikāmyayā.. 22..
Shloka 23
ततः शैलोपमं वीरं प्राञ्जलिं प्रणतं स्थितम्। उवाचेदं वचो रामो हनूमन्तं प्लवङ्गमम्॥ २३॥

PADACHEDA

ततस् शैल-उपमम् वीरम् प्राञ्जलिम् प्रणतम् स्थितम्। उवाच इदम् वचः रामः हनूमन्तम् प्लवङ्गमम्॥ २३॥

TRANSLITERATION

tatas śaila-upamam vīram prāñjalim praṇatam sthitam. uvāca idam vacaḥ rāmaḥ hanūmantam plavaṅgamam.. 23..
Shloka 24
अनुज्ञाप्य महाराजमिमं सौम्य विभीषणम्। प्रविश्य नगरीं लङ्कां कौशलं ब्रूहि मैथिलीम्॥ २४॥

PADACHEDA

अनुज्ञाप्य महा-राजम् इमम् सौम्य विभीषणम्। प्रविश्य नगरीम् लङ्काम् कौशलम् ब्रूहि मैथिलीम्॥ २४॥

TRANSLITERATION

anujñāpya mahā-rājam imam saumya vibhīṣaṇam. praviśya nagarīm laṅkām kauśalam brūhi maithilīm.. 24..
Shloka 25
वैदेह्यै मां च कुशलं सुग्रीवं च सलक्ष्मणम्। आचक्ष्व वदतां श्रेष्ठ रावणं च हतं रणे॥ २५॥

PADACHEDA

वैदेह्यै माम् च कुशलम् सुग्रीवम् च स लक्ष्मणम्। आचक्ष्व वदताम् श्रेष्ठ रावणम् च हतम् रणे॥ २५॥

TRANSLITERATION

vaidehyai mām ca kuśalam sugrīvam ca sa lakṣmaṇam. ācakṣva vadatām śreṣṭha rāvaṇam ca hatam raṇe.. 25..
Shloka 26
प्रियमेतदिहाख्याहि वैदेह्यास्त्वं हरीश्वर। प्रतिगृह्य तु संदेशमुपावर्तितुमर्हसि॥ २६॥

PADACHEDA

प्रियम् एतत् इह आख्याहि वैदेह्याः त्वम् हरि-ईश्वर। प्रतिगृह्य तु संदेशम् उपावर्तितुम् अर्हसि॥ २६॥

TRANSLITERATION

priyam etat iha ākhyāhi vaidehyāḥ tvam hari-īśvara. pratigṛhya tu saṃdeśam upāvartitum arhasi.. 26..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In