Jñānadvīpa | Atharva Veda , Kanda 1, Sukta 1

ये त्रिषप्ताः परियन्ति विश्वा रूपाणि बिभ्रतः ।वाचस्पतिर्बला तेषां तन्वो अद्य दधातु मे ॥१॥

ye triṣaptāḥ pariyanti viśvā rūpāṇi bibhrataḥ |vācaspatirbalā teṣāṃ tanvo adya dadhātu me ||1||

पुनरेहि वचस्पते देवेन मनसा सह ।वसोष्पते नि रमय मय्येवास्तु मयि श्रुतम् ॥२॥

punarehi vacaspate devena manasā saha |vasoṣpate ni ramaya mayyevāstu mayi śrutam ||2||

इहैवाभि वि तनूभे आर्त्नी इव ज्यया ।वाचस्पतिर्नि यच्छतु मय्येवास्तु मयि श्रुतम् ॥३॥

ihaivābhi vi tanūbhe ārtnī iva jyayā |vācaspatirni yacchatu mayyevāstu mayi śrutam ||3||

उपहूतो वाचस्पतिरुपास्मान् वाचस्पतिर्ह्वयताम् ।सं श्रुतेन गमेमहि मा श्रुतेन वि राधिषि ॥४॥

upahūto vācaspatirupāsmān vācaspatirhvayatām |saṃ śrutena gamemahi mā śrutena vi rādhiṣi ||4||

Languages