Gyaandweep | Atharva Veda , Kanda 1, Sukta 16

येऽमावास्यां रात्रिमुदस्थुर्व्राजमत्त्रिणः ।अग्निस्तुरीयो यातुहा सो अस्मभ्यमधि ब्रवत्॥१॥

ye'māvāsyāṃ rātrimudasthurvrājamattriṇaḥ |agnisturīyo yātuhā so asmabhyamadhi bravat||1||

सीसायाध्याह वरुणः सीसायाग्निरुपावति ।सीसं म इन्द्रः प्रायच्छत्तदङ्ग यातुचातनम् ॥२॥

sīsāyādhyāha varuṇaḥ sīsāyāgnirupāvati |sīsaṃ ma indraḥ prāyacchattadaṅga yātucātanam ||2||

इदं विष्कन्धं सहत इदं बाधते अत्त्रिणः ।अनेन विश्वा ससहे या जातानि पिशाच्याः ॥३॥

idaṃ viṣkandhaṃ sahata idaṃ bādhate attriṇaḥ |anena viśvā sasahe yā jātāni piśācyāḥ ||3||

यदि नो गां हंसि यद्यश्वं यदि पूरुषम् ।तं त्वा सीसेन विध्यामो यथा नोऽसो अवीरहा ॥४॥

yadi no gāṃ haṃsi yadyaśvaṃ yadi pūruṣam |taṃ tvā sīsena vidhyāmo yathā no'so avīrahā ||4||

Languages