Gyaandweep | Atharva Veda , Kanda 1, Sukta 18

Sukta 1

निर्लक्ष्म्यं ललाम्यं निररातिं सुवामसि ।अथ या भद्रा तानि नः प्रजाया अरातिं नयामसि ॥१॥

PADACHEDA

निर्लक्ष्म्यम् ललाम्यम् निः अरातिम् सुवामसि ।अथ या भद्रा तानि नः प्रजायै अरातिम् नयामसि ॥१॥

nirlakṣmyam lalāmyam niḥ arātim suvāmasi .atha yā bhadrā tāni naḥ prajāyai arātim nayāmasi ..1..

Sukta 2

निररणिं सविता साविषक्पदोर्निर्हस्तयोर्वरुणो मित्रो अर्यमा ।निरस्मभ्यमनुमती रराणा प्रेमां देवा असाविषुः सौभगाय ॥२॥

निः अरणिम् सविता साविषत् पदोः निर्हस्तयोः वरुणः मित्रः अर्यमा ।निः अस्मभ्यम् अनुमतिः रराणा प्र इमाम् देवाः असाविषुः सौभगाय ॥२॥

niḥ araṇim savitā sāviṣat padoḥ nirhastayoḥ varuṇaḥ mitraḥ aryamā .niḥ asmabhyam anumatiḥ rarāṇā pra imām devāḥ asāviṣuḥ saubhagāya ..2..

Sukta 3

यत्त आत्मनि तन्वां घोरमस्ति यद्वा केशेषु प्रतिचक्षणे वा ।सर्वं तद्वाचाप हन्मो वयं देवस्त्वा सविता सूदयतु ॥३॥

यत् ते आत्मनि तन्वाम् घोरम् अस्ति यत् वा केशेषु प्रतिचक्षणे वा ।सर्वम् तत् वाचा अप हन्मः वयम् देवः त्वा सविता सूदयतु ॥३॥

yat te ātmani tanvām ghoram asti yat vā keśeṣu praticakṣaṇe vā .sarvam tat vācā apa hanmaḥ vayam devaḥ tvā savitā sūdayatu ..3..

Sukta 4

रिश्यपदीं वृषदतीं गोषेधां विधमामुत ।विलीढ्यं ललाम्यं ता अस्मन् नाशयामसि ॥४॥

रिश्यपदीम् वृषदतीम् गो-सेधाम् विधमाम् उत ।विलीढ्यम् ललाम्यम् ताः अस्मत् नाशयामसि ॥४॥

riśyapadīm vṛṣadatīm go-sedhām vidhamām uta .vilīḍhyam lalāmyam tāḥ asmat nāśayāmasi ..4..