Gyaandweep | Atharva Veda , Kanda 1, Sukta 19

मा नो विदन् विव्याधिनो मो अभिव्याधिनो विदन् ।आराच्छरव्या अस्मद्विषूचीरिन्द्र पातय ॥१॥

mā no vidan vivyādhino mo abhivyādhino vidan |ārāccharavyā asmadviṣūcīrindra pātaya ||1||

विष्वञ्चो अस्मच्छरवः पतन्तु ये अस्ता ये चास्याः ।दैवीर्मनुष्येसवो ममामित्रान् वि विध्यत ॥२॥

viṣvañco asmaccharavaḥ patantu ye astā ye cāsyāḥ |daivīrmanuṣyesavo mamāmitrān vi vidhyata ||2||

यो नः स्वो यो अरणः सजात उत निष्ट्यो यो अस्मामभिदासति ।रुद्रः शरव्ययैतान् ममामित्रान् वि विध्यतु ॥३॥

yo naḥ svo yo araṇaḥ sajāta uta niṣṭyo yo asmāmabhidāsati |rudraḥ śaravyayaitān mamāmitrān vi vidhyatu ||3||

यः सपत्नो योऽसपत्नो यश्च द्विषन् छपाति नः ।देवास्तं सर्वे धूर्वन्तु ब्रह्म वर्म ममान्तरम् ॥४॥

yaḥ sapatno yo'sapatno yaśca dviṣan chapāti naḥ |devāstaṃ sarve dhūrvantu brahma varma mamāntaram ||4||

Languages