Gyaandweep | Atharva Veda , Kanda 1, Sukta 28

उप प्रागाद्देवो अग्नी रक्षोहामीवचातनः ।दहन्न् अप द्वयाविनो यातुधानान् किमीदिनः ॥१॥

upa prāgāddevo agnī rakṣohāmīvacātanaḥ |dahann apa dvayāvino yātudhānān kimīdinaḥ ||1||

प्रति दह यातुधानान् प्रति देव किमीदिनः ।प्रतीचीः कृष्णवर्तने सं दह यातुधान्यः ॥२॥

prati daha yātudhānān prati deva kimīdinaḥ |pratīcīḥ kṛṣṇavartane saṃ daha yātudhānyaḥ ||2||

या शशाप शपनेन याघं मूरमादधे ।या रसस्य हरणाय जातमारेभे तोकमत्तु सा ॥३॥

yā śaśāpa śapanena yāghaṃ mūramādadhe |yā rasasya haraṇāya jātamārebhe tokamattu sā ||3||

पुत्रमत्तु यातुधानीः स्वसारमुत नप्त्यम् ।अधा मिथो विकेश्यो वि घ्नतां यातुधान्यो वि तृह्यन्तामराय्यः ॥४॥

putramattu yātudhānīḥ svasāramuta naptyam |adhā mitho vikeśyo vi ghnatāṃ yātudhānyo vi tṛhyantāmarāyyaḥ ||4||

Languages