Gyaandweep | Atharva Veda , Kanda 1, Sukta 29

अभीवर्तेन मणिना येनेन्द्रो अभिववृधे ।तेनास्मान् ब्रह्मणस्पतेऽभि राष्ट्राय वर्धय ॥१॥

abhīvartena maṇinā yenendro abhivavṛdhe |tenāsmān brahmaṇaspate'bhi rāṣṭrāya vardhaya ||1||

अभिवृत्य सपत्नान् अभि या नो अरातयः ।अभि पृतन्यन्तं तिष्ठाभि यो नो दुरस्यति ॥२॥

abhivṛtya sapatnān abhi yā no arātayaḥ |abhi pṛtanyantaṃ tiṣṭhābhi yo no durasyati ||2||

अभि त्वा देवः सविताभि षोमो अवीवृधत्।अभि त्वा विश्वा भूतान्यभीवर्तो यथाससि ॥३॥

abhi tvā devaḥ savitābhi ṣomo avīvṛdhat|abhi tvā viśvā bhūtānyabhīvarto yathāsasi ||3||

अभीवर्तो अभिभवः सपत्नक्षयणो मणिः ।राष्ट्राय मह्यं बध्यतां सपत्नेभ्यः पराभुवे ॥४॥

abhīvarto abhibhavaḥ sapatnakṣayaṇo maṇiḥ |rāṣṭrāya mahyaṃ badhyatāṃ sapatnebhyaḥ parābhuve ||4||

उदसौ सूर्यो अगादुदिदं मामकं वचः ।यथाहं शत्रुहोऽसान्यसपत्नः सपत्नहा ॥५॥

udasau sūryo agādudidaṃ māmakaṃ vacaḥ |yathāhaṃ śatruho'sānyasapatnaḥ sapatnahā ||5||

सपत्नक्षयणो वृषाभिरष्ट्रो विषासहिः ।यथाहमेषां वीराणां विराजानि जनस्य च ॥६॥

sapatnakṣayaṇo vṛṣābhiraṣṭro viṣāsahiḥ |yathāhameṣāṃ vīrāṇāṃ virājāni janasya ca ||6||

Languages