Gyaandweep | Atharva Veda , Kanda 1, Sukta 31

आशानामाशापालेभ्यश्चतुर्भ्यो अमृतेभ्यः ।इदं भूतस्याध्यक्षेभ्यो विधेम हविषा वयम् ॥१॥

āśānāmāśāpālebhyaścaturbhyo amṛtebhyaḥ |idaṃ bhūtasyādhyakṣebhyo vidhema haviṣā vayam ||1||

य आशानामाशापालाश्चत्वार स्थन देवाः ।ते नो निर्ऋत्याः पाशेभ्यो मुञ्चतांहसोअंहसः ॥२॥

ya āśānāmāśāpālāścatvāra sthana devāḥ |te no nirṛtyāḥ pāśebhyo muñcatāṃhasoaṃhasaḥ ||2||

अस्रामस्त्वा हविषा यजाम्यश्लोणस्त्वा घृतेन जुहोमि ।य आशानामाशापालस्तुरीयो देवः स नः सुभूतमेह वक्षत्॥३॥

asrāmastvā haviṣā yajāmyaśloṇastvā ghṛtena juhomi |ya āśānāmāśāpālasturīyo devaḥ sa naḥ subhūtameha vakṣat||3||

स्वस्ति मात्र उत पित्रे नो अस्तु स्वस्ति गोभ्यो जगते पुरुषेभ्यः ।विश्वं सुभूतं सुविदत्रं नो अस्तु ज्योगेव दृशेम सूर्यम् ॥४॥

svasti mātra uta pitre no astu svasti gobhyo jagate puruṣebhyaḥ |viśvaṃ subhūtaṃ suvidatraṃ no astu jyogeva dṛśema sūryam ||4||

Languages