| |
|

This overlay will guide you through the buttons:

Sukta 1
स्तुवानमग्न आ वह यातुधानं किमीदिनम् ।त्वं हि देव वन्दितो हन्ता दस्योर्बभूविथ ॥१॥

PADACHEDA

स्तुवानम् अग्ने आ वह यातुधानम् किमीदिनम् ।त्वम् हि देव वन्दितः हन्ता दस्योः बभूविथ ॥१॥

TRANSLITERATION

stuvānam agne ā vaha yātudhānam kimīdinam .tvam hi deva vanditaḥ hantā dasyoḥ babhūvitha ..1..

Sukta 2
आज्यस्य परमेष्ठिन् जातवेदस्तनूवशिन् ।अग्ने तौलस्य प्राशान यातुधानान् वि लापय ॥२॥

PADACHEDA

आज्यस्य परमेष्ठिन् जातवेदः तनू-वशिन् ।अग्ने तौलस्य प्राशान यातुधानान् वि लापय ॥२॥

TRANSLITERATION

ājyasya parameṣṭhin jātavedaḥ tanū-vaśin .agne taulasya prāśāna yātudhānān vi lāpaya ..2..

Sukta 3
वि लपन्तु यातुधाना अत्त्रिणो ये किमीदिनः ।अथेदमग्ने नो हविरिन्द्रश्च प्रति हर्यतम् ॥३॥

PADACHEDA

वि लपन्तु यातुधानाः अत्त्रिणः ये किमीदिनः ।अथ इदम् अग्ने नः हविः इन्द्रः च प्रति हर्यतम् ॥३॥

TRANSLITERATION

vi lapantu yātudhānāḥ attriṇaḥ ye kimīdinaḥ .atha idam agne naḥ haviḥ indraḥ ca prati haryatam ..3..

Sukta 4
अग्निः पूर्व आ रभतां प्रेन्द्रो नुदतु बाहुमान् ।ब्रवीतु सर्वो यातुमान् अयमस्मीत्येत्य ॥४॥

PADACHEDA

अग्निः पूर्वः आ रभताम् प्र इन्द्रः नुदतु बाहुमान् ।ब्रवीतु सर्वः यातुमान् अयम् अस्मि इति एत्य ॥४॥

TRANSLITERATION

agniḥ pūrvaḥ ā rabhatām pra indraḥ nudatu bāhumān .bravītu sarvaḥ yātumān ayam asmi iti etya ..4..

Sukta 5
पश्याम ते वीर्यं जातवेदः प्र णो ब्रूहि यातुधानान् नृचक्षः ।त्वया सर्वे परितप्ताः पुरस्तात्त आ यन्तु प्रब्रुवाणा उपेदम् ॥५॥

PADACHEDA

पश्याम ते वीर्यम् जातवेदः प्र नः ब्रूहि यातुधानान् नृ-चक्षः ।त्वया सर्वे परितप्ताः पुरस्तात् ते आ यन्तु प्रब्रुवाणाः उप इदम् ॥५॥

TRANSLITERATION

paśyāma te vīryam jātavedaḥ pra naḥ brūhi yātudhānān nṛ-cakṣaḥ .tvayā sarve paritaptāḥ purastāt te ā yantu prabruvāṇāḥ upa idam ..5..

Sukta 6
आ रभस्व जातवेदोऽस्माकार्थाय जज्ञिषे ।दूतो नो अग्ने भूत्वा यातुधानान् वि लापय ॥६॥

PADACHEDA

आ रभस्व जातवेदः अस्माक-अर्थाय जज्ञिषे ।दूतः नः अग्ने भूत्वा यातुधानान् वि लापय ॥६॥

TRANSLITERATION

ā rabhasva jātavedaḥ asmāka-arthāya jajñiṣe .dūtaḥ naḥ agne bhūtvā yātudhānān vi lāpaya ..6..

Sukta 7
त्वमग्ने यातुधानान् उपबद्धामिहा वह ।अथैषामिन्द्रो वज्रेणापि शीर्षाणि वृश्चतु ॥७॥

PADACHEDA

त्वम् अग्ने यातुधानान् उपबद्धाम् इह आ वह ।अथ एषाम् इन्द्रः वज्रेण अपि शीर्षाणि वृश्चतु ॥७॥

TRANSLITERATION

tvam agne yātudhānān upabaddhām iha ā vaha .atha eṣām indraḥ vajreṇa api śīrṣāṇi vṛścatu ..7..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In