| |
|

This overlay will guide you through the buttons:

Sukta 1
उच्छिष्टे नाम रूपं चोच्छिष्टे लोक आहितः ।उच्छिष्ट इन्द्रश्चाग्निश्च विश्वमन्तः समाहितम् ॥१॥
ucchiṣṭe nāma rūpaṃ cocchiṣṭe loka āhitaḥ .ucchiṣṭa indraścāgniśca viśvamantaḥ samāhitam ..1..

Sukta 2
उच्छिष्टे द्यावापृथिवी विश्वं भूतं समाहितम् ।आपः समुद्र उच्छिष्टे चन्द्रमा वात आहितः ॥२॥
ucchiṣṭe dyāvāpṛthivī viśvaṃ bhūtaṃ samāhitam .āpaḥ samudra ucchiṣṭe candramā vāta āhitaḥ ..2..

Sukta 3
सन्न् उच्छिष्टे असंश्चोभौ मृत्युर्वाजः प्रजापतिः ।लौक्या उच्छिष्ट आयत्ता व्रश्च द्रश्चापि श्रीर्मयि ॥३॥
sann ucchiṣṭe asaṃścobhau mṛtyurvājaḥ prajāpatiḥ .laukyā ucchiṣṭa āyattā vraśca draścāpi śrīrmayi ..3..

Sukta 4
दृढो दृंह स्थिरो न्यो ब्रह्म विश्वसृजो दश ।नाभिमिव सर्वतश्चक्रमुच्छिष्टे देवताः श्रिताः ॥४॥
dṛḍho dṛṃha sthiro nyo brahma viśvasṛjo daśa .nābhimiva sarvataścakramucchiṣṭe devatāḥ śritāḥ ..4..

Sukta 5
ऋक्साम यजुरुच्छिष्ट उद्गीथः प्रस्तुतं स्तुतम् ।हिङ्कार उच्छिष्टे स्वरः साम्नो मेडिश्च तन् मयि ॥५॥
ṛksāma yajurucchiṣṭa udgīthaḥ prastutaṃ stutam .hiṅkāra ucchiṣṭe svaraḥ sāmno meḍiśca tan mayi ..5..

Sukta 6
ऐन्द्राग्नं पावमानं महानाम्नीर्महाव्रतम् ।उच्छिष्टे यज्ञस्याङ्गान्यन्तर्गर्भ इव मातरि ॥६॥
aindrāgnaṃ pāvamānaṃ mahānāmnīrmahāvratam .ucchiṣṭe yajñasyāṅgānyantargarbha iva mātari ..6..

Sukta 7
राजसूयं वाजपेयमग्निष्टोमष्तदध्वरः ।अर्काश्वमेधावुच्छिष्टे जीवबर्हिर्मदिन्तमः ॥७॥
rājasūyaṃ vājapeyamagniṣṭomaṣtadadhvaraḥ .arkāśvamedhāvucchiṣṭe jīvabarhirmadintamaḥ ..7..

Sukta 8
अग्न्याधेयमथो दीक्षा कामप्रश्छन्दसा सह ।उत्सन्ना यज्ञाः सत्राण्युच्छिष्टेऽधि समाहिताः ॥८॥
agnyādheyamatho dīkṣā kāmapraśchandasā saha .utsannā yajñāḥ satrāṇyucchiṣṭe'dhi samāhitāḥ ..8..

Sukta 9
अग्निहोत्रं च श्रद्धा च वषट्कारो व्रतं तपः ।दक्षिणेष्टं पूर्तं चोच्छिष्टेऽधि समाहिताः ॥९॥
agnihotraṃ ca śraddhā ca vaṣaṭkāro vrataṃ tapaḥ .dakṣiṇeṣṭaṃ pūrtaṃ cocchiṣṭe'dhi samāhitāḥ ..9..

Sukta 10
एकरात्रो द्विरात्रः सद्यःक्रीः प्रक्रीरुक्थ्यः ।ओतं निहितमुच्छिष्टे यज्ञस्याणूनि विद्यया ॥१०॥ {१९}
ekarātro dvirātraḥ sadyaḥkrīḥ prakrīrukthyaḥ .otaṃ nihitamucchiṣṭe yajñasyāṇūni vidyayā ..10.. {19}

Sukta 11
चतूरात्रः पञ्चरात्रः षड्रात्रश्चोभयः सह ।षोडशी सप्तरात्रश्चोच्छिष्टाज्जज्ञिरे सर्वे ये यज्ञा अमृते हिताः ॥११॥
catūrātraḥ pañcarātraḥ ṣaḍrātraścobhayaḥ saha .ṣoḍaśī saptarātraścocchiṣṭājjajñire sarve ye yajñā amṛte hitāḥ ..11..

Sukta 12
प्रतीहारो निधनं विश्वजिच्चाभिजिच्च यः ।साह्नातिरात्रावुच्छिष्टे द्वादशाहोऽपि तन् मयि ॥१२॥
pratīhāro nidhanaṃ viśvajiccābhijicca yaḥ .sāhnātirātrāvucchiṣṭe dvādaśāho'pi tan mayi ..12..

Sukta 13
सूनृता संनतिः क्षेमः स्वधोर्जामृतं सहः ।उच्छिष्टे सर्वे प्रत्यञ्चः कामाः कामेन तातृपुः ॥१३॥
sūnṛtā saṃnatiḥ kṣemaḥ svadhorjāmṛtaṃ sahaḥ .ucchiṣṭe sarve pratyañcaḥ kāmāḥ kāmena tātṛpuḥ ..13..

Sukta 14
नव भूमीः समुद्रा उच्छिष्टेऽधि श्रिता दिवः ।आ सूर्यो भात्युच्छिष्टेऽहोरात्रे अपि तन् मयि ॥१४॥
nava bhūmīḥ samudrā ucchiṣṭe'dhi śritā divaḥ .ā sūryo bhātyucchiṣṭe'horātre api tan mayi ..14..

Sukta 15
उपहव्यं विषूवन्तं ये च यज्ञा गुहा हिताः ।बिभर्ति भर्ता विश्वस्योच्छिष्टो जनितुः पिता ॥१५॥
upahavyaṃ viṣūvantaṃ ye ca yajñā guhā hitāḥ .bibharti bhartā viśvasyocchiṣṭo janituḥ pitā ..15..

Sukta 16
पिता जनितुरुच्छिष्टोऽसोः पौत्रः पितामहः ।स क्षियति विश्वस्येशानो वृषा भूम्यामतिघ्न्यः ॥१६॥
pitā janiturucchiṣṭo'soḥ pautraḥ pitāmahaḥ .sa kṣiyati viśvasyeśāno vṛṣā bhūmyāmatighnyaḥ ..16..

Sukta 17
ऋतं सत्यं तपो राष्ट्रं श्रमो धर्मश्च कर्म च ।भूतं भविष्यदुच्छिष्टे वीर्यं लक्ष्मीर्बलं बले ॥१७॥
ṛtaṃ satyaṃ tapo rāṣṭraṃ śramo dharmaśca karma ca .bhūtaṃ bhaviṣyaducchiṣṭe vīryaṃ lakṣmīrbalaṃ bale ..17..

Sukta 18
समृद्धिरोज आकूतिः क्षत्रं राष्ट्रं षडुर्व्यः ।संवत्सरोऽध्युच्छिष्ट इडा प्रैषा ग्रहा हविः ॥१८॥
samṛddhiroja ākūtiḥ kṣatraṃ rāṣṭraṃ ṣaḍurvyaḥ .saṃvatsaro'dhyucchiṣṭa iḍā praiṣā grahā haviḥ ..18..

Sukta 19
चतुर्होतार आप्रियश्चातुर्मास्यानि नीविदः ।उच्छिष्टे यज्ञा होत्राः पशुबन्धास्तदिष्टयः ॥१९॥
caturhotāra āpriyaścāturmāsyāni nīvidaḥ .ucchiṣṭe yajñā hotrāḥ paśubandhāstadiṣṭayaḥ ..19..

Sukta 20
अर्धमासाश्च मासाश्चार्तवा ऋतुभिः सह ।उच्छिष्टे घोषिणीराप स्तनयित्नुः श्रुतिर्मही ॥२०॥ {२०}
ardhamāsāśca māsāścārtavā ṛtubhiḥ saha .ucchiṣṭe ghoṣiṇīrāpa stanayitnuḥ śrutirmahī ..20.. {20}

Sukta 21
शर्कराः सिकता अश्मान ओषधयो वीरुधस्तृणा ।अभ्राणि विद्युतो वर्षमुच्छिष्टे संश्रिता श्रिता ॥२१॥
śarkarāḥ sikatā aśmāna oṣadhayo vīrudhastṛṇā .abhrāṇi vidyuto varṣamucchiṣṭe saṃśritā śritā ..21..

Sukta 22
राद्धिः प्राप्तिः समाप्तिर्व्याप्तिर्मह एधतुः ।अत्याप्तिरुच्छिष्टे भूतिश्चाहिता निहिता हिता ॥२२॥
rāddhiḥ prāptiḥ samāptirvyāptirmaha edhatuḥ .atyāptirucchiṣṭe bhūtiścāhitā nihitā hitā ..22..

Sukta 23
यच्च प्राणति प्राणेन यच्च पश्यति चक्षुषा ।उच्छिष्टाज्जज्ञिरे सर्वे दिवि देवा दिविश्रितः ॥२३॥
yacca prāṇati prāṇena yacca paśyati cakṣuṣā .ucchiṣṭājjajñire sarve divi devā diviśritaḥ ..23..

Sukta 24
ऋचः सामानि छन्दांसि पुराणं यजुषा सह ।उच्छिष्टाज्जज्ञिरे सर्वे दिवि देवा दिविश्रितः ॥२४॥
ṛcaḥ sāmāni chandāṃsi purāṇaṃ yajuṣā saha .ucchiṣṭājjajñire sarve divi devā diviśritaḥ ..24..

Sukta 25
प्राणापानौ चक्षुः श्रोत्रमक्षितिश्च क्षितिश्च या ।उच्छिष्टाज्जज्ञिरे सर्वे दिवि देवा दिविश्रितः ॥२५॥
prāṇāpānau cakṣuḥ śrotramakṣitiśca kṣitiśca yā .ucchiṣṭājjajñire sarve divi devā diviśritaḥ ..25..

Sukta 26
आनन्दा मोदाः प्रमुदोऽभीमोदमुदश्च ये ।उच्छिष्टाज्जज्ञिरे सर्वे दिवि देवा दिविश्रितः ॥२६॥
ānandā modāḥ pramudo'bhīmodamudaśca ye .ucchiṣṭājjajñire sarve divi devā diviśritaḥ ..26..

Sukta 27
देवाः पितरो मनुष्या गन्धर्वाप्सरसश्च ये ।उच्छिष्टाज्जज्ञिरे सर्वे दिवि देवा दिविश्रितः ॥२७॥ {२१}
devāḥ pitaro manuṣyā gandharvāpsarasaśca ye .ucchiṣṭājjajñire sarve divi devā diviśritaḥ ..27.. {21}

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In