य इमे द्यावापृथिवी जजान यो द्रापिं कृत्वा भुवनानि वस्ते ।यस्मिन् क्षियन्ति प्रदिशः षडुर्वीर्याः पतङ्गो अनु विचाकशीति ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति ॥ १ ॥
ya ime dyāvāpṛthivī jajāna yo drāpiṃ kṛtvā bhuvanāni vaste |yasmin kṣiyanti pradiśaḥ ṣaḍurvīryāḥ pataṅgo anu vicākaśīti |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti || 1 ||
यस्माद्वाता ऋतुथा पवन्ते यस्मात्समुद्रा अधि विक्षरन्ति ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति ।उद्वेपय रोहित प्र क्षिणीहि ब्रह्मज्यस्य प्रति मुञ्च पाशान् ॥२॥
yasmādvātā ṛtuthā pavante yasmātsamudrā adhi vikṣaranti |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti |udvepaya rohita pra kṣiṇīhi brahmajyasya prati muñca pāśān ||2||
यो मारयति प्राणयति यस्मात्प्राणन्ति भुवनानि विश्वा ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति ।उद्वेपय रोहित प्र क्षिणीहि ब्रह्मज्यस्य प्रति मुञ्च पाशान् ॥३॥
yo mārayati prāṇayati yasmātprāṇanti bhuvanāni viśvā |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti |udvepaya rohita pra kṣiṇīhi brahmajyasya prati muñca pāśān ||3||
यः प्राणेन द्यावापृथिवी तर्पयत्यपानेन समुद्रस्य जठरं यः पिपर्ति ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति ।उद्वेपय रोहित प्र क्षिणीहि ब्रह्मज्यस्य प्रति मुञ्च पाशान् ॥४॥
yaḥ prāṇena dyāvāpṛthivī tarpayatyapānena samudrasya jaṭharaṃ yaḥ piparti |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti |udvepaya rohita pra kṣiṇīhi brahmajyasya prati muñca pāśān ||4||
यस्मिन् विराट्परमेष्ठी प्रजापतिरग्निर्वैश्वानरः सह पङ्क्त्या श्रितः ।यः परस्य प्राणं परमस्य तेज आददे ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥५॥
yasmin virāṭparameṣṭhī prajāpatiragnirvaiśvānaraḥ saha paṅktyā śritaḥ |yaḥ parasya prāṇaṃ paramasya teja ādade |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||5||
यस्मिन् षडुर्वीः पञ्च दिशो अधिश्रिताश्चतस्र आपो यज्ञस्य त्रयोऽक्षराः ।यो अन्तरा रोदसी क्रुद्धश्चक्षुषैक्षत ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥६॥
yasmin ṣaḍurvīḥ pañca diśo adhiśritāścatasra āpo yajñasya trayo'kṣarāḥ |yo antarā rodasī kruddhaścakṣuṣaikṣata |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||6||
यो अन्नादो अन्नपतिर्बभूव ब्रह्मणस्पतिरुत यः ।भूतो भविष्यत्भुवनस्य यस्पतिः ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥७॥
yo annādo annapatirbabhūva brahmaṇaspatiruta yaḥ |bhūto bhaviṣyatbhuvanasya yaspatiḥ |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||7||
अहोरात्रैर्विमितं त्रिंशदङ्गं त्रयोदशं मासं यो निर्मिमीते ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति ।उद्वेपय रोहित प्र क्षिणीहि ब्रह्मज्यस्य प्रति मुञ्च पाशान् ॥८॥
ahorātrairvimitaṃ triṃśadaṅgaṃ trayodaśaṃ māsaṃ yo nirmimīte |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti |udvepaya rohita pra kṣiṇīhi brahmajyasya prati muñca pāśān ||8||
कृस्णं नियानं हरयः सुपर्णा अपो वसाना दिवमुत्पतन्ति ।त आववृत्रन्त्सदनादृतस्य ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥९॥
kṛsṇaṃ niyānaṃ harayaḥ suparṇā apo vasānā divamutpatanti |ta āvavṛtrantsadanādṛtasya |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||9||
यत्ते चन्द्रं कश्यप रोचनावद्यत्संहितं पुष्कलं चित्रभानु यस्मिन्त्सूर्या आर्पिताः सप्त साकम् ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति ।उद्वेपय रोहित प्र क्षिणीहि ब्रह्मज्यस्य प्रति मुञ्च पाशान् ॥१०॥ {१२}
yatte candraṃ kaśyapa rocanāvadyatsaṃhitaṃ puṣkalaṃ citrabhānu yasmintsūryā ārpitāḥ sapta sākam |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti |udvepaya rohita pra kṣiṇīhi brahmajyasya prati muñca pāśān ||10|| {12}
बृहदेनमनु वस्ते पुरस्ताद्रथंतरं प्रति गृह्णाति पश्चात्।ज्योतिर्वसाने सदमप्रमादम् ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥११॥
bṛhadenamanu vaste purastādrathaṃtaraṃ prati gṛhṇāti paścāt|jyotirvasāne sadamapramādam |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||11||
बृहदन्यतः पक्ष आसीद्रथंतरमन्यतः सबले सध्रीची ।यद्रोहितमजनयन्त देवाः ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥१२॥
bṛhadanyataḥ pakṣa āsīdrathaṃtaramanyataḥ sabale sadhrīcī |yadrohitamajanayanta devāḥ |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||12||
स वरुणः सायमग्निर्भवति स मित्रो भवति प्रातरुद्यन् ।स सविता भूत्वान्तरिक्षेण याति स इन्द्रो भूत्वा तपति मध्यतो दिवम् ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥१३॥
sa varuṇaḥ sāyamagnirbhavati sa mitro bhavati prātarudyan |sa savitā bhūtvāntarikṣeṇa yāti sa indro bhūtvā tapati madhyato divam |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||13||
सहस्राह्ण्यं वियतावस्य पक्षौ हरेर्हंसस्य पततः स्वर्गम् ।स देवान्त्सर्वान् उरस्युपदद्य संपश्यन् याति भुवनानि विश्वा ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥१४॥
sahasrāhṇyaṃ viyatāvasya pakṣau harerhaṃsasya patataḥ svargam |sa devāntsarvān urasyupadadya saṃpaśyan yāti bhuvanāni viśvā |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||14||
अयं स देवो अप्स्वन्तः सहस्रमूलः परुशाको अत्त्रिः ।य इदं विश्वं भुवनं जजान ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥१५॥
ayaṃ sa devo apsvantaḥ sahasramūlaḥ paruśāko attriḥ |ya idaṃ viśvaṃ bhuvanaṃ jajāna |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||15||
शुक्रं वहन्ति हरयो रघुष्यदो देवं दिवि वर्चसा भ्राजमानम् ।यस्योर्ध्वा दिवं तन्वस्तपन्त्यर्वाङ्सुवर्णैः पटरैर्वि भाति ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥१६॥
śukraṃ vahanti harayo raghuṣyado devaṃ divi varcasā bhrājamānam |yasyordhvā divaṃ tanvastapantyarvāṅsuvarṇaiḥ paṭarairvi bhāti |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||16||
येनादित्यान् हरितः सम्वहन्ति येन यज्ञेन बहवो यन्ति प्रजानन्तः ।यदेकं ज्योतिर्बहुधा विभाति ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥१७॥
yenādityān haritaḥ samvahanti yena yajñena bahavo yanti prajānantaḥ |yadekaṃ jyotirbahudhā vibhāti |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||17||
सप्त युञ्जन्ति रथमेकचक्रमेको अश्वो वहति सप्तनामा ।त्रिनाभि चक्रमजरमनर्वं यत्रेमा विश्वा भुवनाधि तस्थुः ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥१८॥
sapta yuñjanti rathamekacakrameko aśvo vahati saptanāmā |trinābhi cakramajaramanarvaṃ yatremā viśvā bhuvanādhi tasthuḥ |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||18||
अष्टधा युक्तो वहति वह्निरुग्रः पिता देवानां जनिता मतीनाम् ।ऋतस्य तन्तुं मनसा मिमानः सर्वा दिशः पवते मातरिश्वा ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥१९॥
aṣṭadhā yukto vahati vahnirugraḥ pitā devānāṃ janitā matīnām |ṛtasya tantuṃ manasā mimānaḥ sarvā diśaḥ pavate mātariśvā |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||19||
संयञ्चं तन्तुं प्रदिशोऽनु सर्वा अन्तर्गायत्र्याममृतस्य गर्भे ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति ।उद्वेपय रोहित प्र क्षिणीहि ब्रह्मज्यस्य प्रति मुञ्च पाशान् ॥२०॥ {१३}
saṃyañcaṃ tantuṃ pradiśo'nu sarvā antargāyatryāmamṛtasya garbhe |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti |udvepaya rohita pra kṣiṇīhi brahmajyasya prati muñca pāśān ||20|| {13}
निम्रुचस्तिस्रो व्युषो ह तिस्रस्त्रीणि रजांसि दिवो अङ्ग तिस्रः ।विद्मा ते अग्ने त्रेधा जनित्रं त्रेधा देवानां जनिमानि विद्म ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥२१॥
nimrucastisro vyuṣo ha tisrastrīṇi rajāṃsi divo aṅga tisraḥ |vidmā te agne tredhā janitraṃ tredhā devānāṃ janimāni vidma |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||21||
वि य और्णोत्पृथिवीं जायमान आ समुद्रमदधातन्तरिक्षे ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति ।उद्वेपय रोहित प्र क्षिणीहि ब्रह्मज्यस्य प्रति मुञ्च पाशान् ॥२२॥
vi ya aurṇotpṛthivīṃ jāyamāna ā samudramadadhātantarikṣe |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti |udvepaya rohita pra kṣiṇīhi brahmajyasya prati muñca pāśān ||22||
त्वमग्ने क्रतुभिः केतुभिर्हितोऽर्कः समिद्ध उदरोचथा दिवि ।किमभ्यार्चन् मरुतः पृश्निमातरो यद्रोहितमजनयन्त देवाः ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥२३॥
tvamagne kratubhiḥ ketubhirhito'rkaḥ samiddha udarocathā divi |kimabhyārcan marutaḥ pṛśnimātaro yadrohitamajanayanta devāḥ |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||23||
य आत्मदा बलदा यस्य विश्व उपासते प्रशिषं यस्य देवाः ।योऽस्येशे द्विपदो यश्चतुष्पदः ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥२४॥
ya ātmadā baladā yasya viśva upāsate praśiṣaṃ yasya devāḥ |yo'syeśe dvipado yaścatuṣpadaḥ |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||24||
एकपाद्द्विपदो भूयो वि चक्रमे द्विपात्त्रिपादमभ्येति पश्चात्।चतुष्पाच्चक्रे द्विपदामभिस्वरे संपश्यन् पङ्क्तिमुपतिष्ठमानः ।तस्य देवस्य क्रुद्धस्यैतदागो य एवं विद्वांसं ब्राह्मणं जिनाति । ॥२५॥
ekapāddvipado bhūyo vi cakrame dvipāttripādamabhyeti paścāt|catuṣpāccakre dvipadāmabhisvare saṃpaśyan paṅktimupatiṣṭhamānaḥ |tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti | ||25||
कृष्णायः पुत्रो अर्जुनो रात्र्या वत्सोऽजायत ।स ह द्यामधि रोहति रुहो रुरोह रोहितः ॥२६॥ {१४}
kṛṣṇāyaḥ putro arjuno rātryā vatso'jāyata |sa ha dyāmadhi rohati ruho ruroha rohitaḥ ||26|| {14}
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
