Gyaandweep | Atharva Veda , Kanda 15, Sukta 10

Sukta 1

तद्यस्यैवं विद्वान् व्रात्यो राज्ञोऽतिथिर्गृहान् आगछेत्॥१॥

tadyasyaivaṃ vidvān vrātyo rājño'tithirgṛhān āgachet..1..

Sukta 2

श्रेयांसमेनमात्मनो मानयेत्तथा क्षत्राय ना वृश्चते तथा राष्ट्राय ना वृश्चते ॥२॥

śreyāṃsamenamātmano mānayettathā kṣatrāya nā vṛścate tathā rāṣṭrāya nā vṛścate ..2..

Sukta 3

अतो वै ब्रह्म च क्षत्रं चोदतिष्ठतां ते अब्रूतां कं प्र विशावेति ॥३॥

ato vai brahma ca kṣatraṃ codatiṣṭhatāṃ te abrūtāṃ kaṃ pra viśāveti ..3..

Sukta 4

बृहस्पतिमेव ब्रह्म प्रविशत्विन्द्रं क्षत्रं तथा वा इति ॥४॥

bṛhaspatimeva brahma praviśatvindraṃ kṣatraṃ tathā vā iti ..4..

Sukta 5

अतो वै बृहस्पतिमेव ब्रह्म प्राविशदिन्द्रं क्षत्रम् ॥५॥

ato vai bṛhaspatimeva brahma prāviśadindraṃ kṣatram ..5..

Sukta 6

इयं वा उ पृथिवी बृहस्पतिर्द्यौरेवेन्द्रः ॥६॥

iyaṃ vā u pṛthivī bṛhaspatirdyaurevendraḥ ..6..

Sukta 7

अयं वा उ अग्निर्ब्रह्मासावादित्यः क्षत्रम् ॥७॥

ayaṃ vā u agnirbrahmāsāvādityaḥ kṣatram ..7..

Sukta 8

ऐनं ब्रह्म गच्छति ब्रह्मवर्चसी भवति ॥८॥

ainaṃ brahma gacchati brahmavarcasī bhavati ..8..

Sukta 9

यः पृथिवीं बृहस्पतिमग्निं ब्रह्म वेद ॥९॥

yaḥ pṛthivīṃ bṛhaspatimagniṃ brahma veda ..9..

Sukta 10

ऐनमिन्द्रियं गच्छतीन्द्रियवान् भवति ॥१०॥

ainamindriyaṃ gacchatīndriyavān bhavati ..10..

Sukta 11

य आदित्यं क्षत्रं दिवमिन्द्रं वेद ॥११॥

ya ādityaṃ kṣatraṃ divamindraṃ veda ..11..

Languages