Gyaandweep | Atharva Veda , Kanda 15, Sukta 11

तद्यस्यैवं विद्वान् व्रात्योऽतिथिर्गृहान् आगछेत्॥१॥

tadyasyaivaṃ vidvān vrātyo'tithirgṛhān āgachet||1||

स्वयमेनमभ्युदेत्य ब्रूयाद्व्रात्य क्वावात्सीर्व्रात्योदकं व्रात्य तर्पयन्तु व्रात्य यथा ते प्रियं तथास्तु व्रात्य यथा ते वशस्तथास्तु व्रात्य यथा ते निकामस्तथास्त्विति ॥२॥

svayamenamabhyudetya brūyādvrātya kvāvātsīrvrātyodakaṃ vrātya tarpayantu vrātya yathā te priyaṃ tathāstu vrātya yathā te vaśastathāstu vrātya yathā te nikāmastathāstviti ||2||

यदेनमाह व्रात्य क्वावात्सीरिति पथ एव तेन देवयानान् अव रुन्धे ॥३॥

yadenamāha vrātya kvāvātsīriti patha eva tena devayānān ava rundhe ||3||

यदेनमाह व्रात्योदकमित्यप एव तेनाव रुन्धे ॥४॥

yadenamāha vrātyodakamityapa eva tenāva rundhe ||4||

यदेनमाह व्रात्य तर्पयन्त्विति प्राणमेव तेन वर्षीयांसं कुरुते ॥५॥

yadenamāha vrātya tarpayantviti prāṇameva tena varṣīyāṃsaṃ kurute ||5||

यदेनमाह व्रात्य यथा ते प्रियं तथास्त्विति प्रियमेव तेनाव रुन्धे ॥६॥

yadenamāha vrātya yathā te priyaṃ tathāstviti priyameva tenāva rundhe ||6||

ऐनं प्रियं गच्छति प्रियः प्रियस्य भवति य एवं वेद ॥७॥

ainaṃ priyaṃ gacchati priyaḥ priyasya bhavati ya evaṃ veda ||7||

यदेनमाह व्रात्य यथा ते वशस्तथास्त्विति वशमेव तेनाव रुन्धे ॥८॥

yadenamāha vrātya yathā te vaśastathāstviti vaśameva tenāva rundhe ||8||

ऐनं वशो गच्छति वशी वशिनां भवति य एवं वेद ॥९॥

ainaṃ vaśo gacchati vaśī vaśināṃ bhavati ya evaṃ veda ||9||

यदेनमाह व्रात्य यथा ते निकामस्तथास्त्विति निकाममेव तेनाव रुन्धे ॥१०॥

yadenamāha vrātya yathā te nikāmastathāstviti nikāmameva tenāva rundhe ||10||

ऐनं निकामो गच्छति निकामे निकामस्य भवति य एवं वेद ॥११॥

ainaṃ nikāmo gacchati nikāme nikāmasya bhavati ya evaṃ veda ||11||

Languages

Saved

Languages

Saved

Atharva Veda

Mandala 11

Sukta 11

Mudra Cost for Each Feature

Practice Later

No Playlist Found

Create a Verse Post

namo namaḥ!

भाषा चुने (Choose Language)

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.