| |
|

This overlay will guide you through the buttons:

Sukta 1
स संवत्सरमूर्ध्वोऽतिष्ठत्तं देवा अब्रुवन् व्रात्य किं नु तिष्ठसीति ॥१॥
sa saṃvatsaramūrdhvo'tiṣṭhattaṃ devā abruvan vrātya kiṃ nu tiṣṭhasīti ..1..

Sukta 2
सोऽब्रवीदासन्दीं मे सं भरन्त्विति ॥२॥
so'bravīdāsandīṃ me saṃ bharantviti ..2..

Sukta 3
तस्मै व्रात्यायासन्दीं समभरन् ॥३॥
tasmai vrātyāyāsandīṃ samabharan ..3..

Sukta 4
तस्या ग्रीष्मश्च वसन्तश्च द्वौ पादावास्तां शरच्च वर्षाश्च द्वौ ॥४॥
tasyā grīṣmaśca vasantaśca dvau pādāvāstāṃ śaracca varṣāśca dvau ..4..

Sukta 5
बृहच्च रथन्तरं चानूच्ये आस्तां यज्ञायज्ञियं च वामदेव्यं च तिरश्च्ये ॥५॥
bṛhacca rathantaraṃ cānūcye āstāṃ yajñāyajñiyaṃ ca vāmadevyaṃ ca tiraścye ..5..

Sukta 6
ऋचः प्राञ्चस्तन्तवो यजूंषि तिर्यञ्चः ॥६॥
ṛcaḥ prāñcastantavo yajūṃṣi tiryañcaḥ ..6..

Sukta 7
वेद आस्तरणं ब्रह्मोपबर्हणम् ॥७॥
veda āstaraṇaṃ brahmopabarhaṇam ..7..

Sukta 8
सामासाद उद्गीथोऽपश्रयः ॥८॥
sāmāsāda udgītho'paśrayaḥ ..8..

Sukta 9
तामासन्दीं व्रात्य आरोहत्॥९॥
tāmāsandīṃ vrātya ārohat..9..

Sukta 10
तस्य देवजनाः परिष्कन्दा आसन्त्संकल्पाः प्रहाय्या विश्वानि भूतान्युपसदः ॥१०॥
tasya devajanāḥ pariṣkandā āsantsaṃkalpāḥ prahāyyā viśvāni bhūtānyupasadaḥ ..10..

Sukta 11
विश्वान्येवास्य भूतान्युपसदो भवन्ति य एवं वेद ॥११॥
viśvānyevāsya bhūtānyupasado bhavanti ya evaṃ veda ..11..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In