| |
|

This overlay will guide you through the buttons:

Sukta 1
अजैष्माद्यासनामद्यामूमनागसो वयम् ॥१॥

PADACHEDA

अजैष्म अद्य असनाम् अद्य अमूम् अनागसः वयम् ॥१॥

TRANSLITERATION

ajaiṣma adya asanām adya amūm anāgasaḥ vayam ..1..

Sukta 2
उषो यस्माद्दुष्वप्न्यादभैष्माप तदुच्छतु ॥२॥

PADACHEDA

उषः यस्मात् दुष्वप्न्यात् अभैष्म अप तत् उच्छतु ॥२॥

TRANSLITERATION

uṣaḥ yasmāt duṣvapnyāt abhaiṣma apa tat ucchatu ..2..

Sukta 3
द्विषते तत्परा वह शपते तत्परा वह ॥३॥

PADACHEDA

द्विषते तत् परा वह शपते तत् परा वह ॥३॥

TRANSLITERATION

dviṣate tat parā vaha śapate tat parā vaha ..3..

Sukta 4
यं द्विष्मो यश्च नो द्वेष्टि तस्मा एनद्गमयामः ॥४॥

PADACHEDA

यम् द्विष्मः यः च नः द्वेष्टि तस्मै एनत् गमयामः ॥४॥

TRANSLITERATION

yam dviṣmaḥ yaḥ ca naḥ dveṣṭi tasmai enat gamayāmaḥ ..4..

Sukta 5
उषा देवी वाचा संविदाना वाग्देव्युषसा संविदाना ॥५॥

PADACHEDA

उषाः देवी वाचा संविदाना वाच् देवी उषसा संविदाना ॥५॥

TRANSLITERATION

uṣāḥ devī vācā saṃvidānā vāc devī uṣasā saṃvidānā ..5..

Sukta 6
उषस्पतिर्वाचस्पतिना संविदानो वाचस्पतिना संविदानः ॥६॥

PADACHEDA

उषस्पतिः वाचस्पतिना संविदानः वाचस्पतिना संविदानः ॥६॥

TRANSLITERATION

uṣaspatiḥ vācaspatinā saṃvidānaḥ vācaspatinā saṃvidānaḥ ..6..

Sukta 7
तेऽमुष्मै परा वहन्त्वरायान् दुर्णाम्नः सदान्वाः ॥७॥

PADACHEDA

ते अमुष्मै परा वहन्तु अरायान् दुर्णाम्नः सदान्वाः ॥७॥

TRANSLITERATION

te amuṣmai parā vahantu arāyān durṇāmnaḥ sadānvāḥ ..7..

Sukta 8
कुम्भीकाः दूषीकाः पीयकान् ॥८॥

PADACHEDA

कुम्भीकाः दूषीकाः पीयकान् ॥८॥

TRANSLITERATION

kumbhīkāḥ dūṣīkāḥ pīyakān ..8..

Sukta 9
जाग्रद्दुष्वप्न्यं स्वप्नेदुष्वप्न्यम् ॥९॥

PADACHEDA

जाग्रत्-दुःष्वप्न्यम् स्वप्नेदुःष्वप्न्यम् ॥९॥

TRANSLITERATION

jāgrat-duḥṣvapnyam svapneduḥṣvapnyam ..9..

Sukta 10
अनागमिष्यतो वरान् अवित्तेः संकल्पान् अमुच्या द्रुहः पाशान् ॥१०॥

PADACHEDA

अन् आगमिष्यतः वरान् अवित्तेः संकल्पान् अमुच्याः द्रुहः पाशान् ॥१०॥

TRANSLITERATION

an āgamiṣyataḥ varān avitteḥ saṃkalpān amucyāḥ druhaḥ pāśān ..10..

Sukta 11
तदमुष्मा अग्ने देवाः परा वहन्तु वघ्रिर्यथासद्विथुरो न साधुः ॥११॥

PADACHEDA

तत् अमुष्मै अग्ने देवाः परा वहन्तु वघ्रिः यथा असत् विथुरः न साधुः ॥११॥

TRANSLITERATION

tat amuṣmai agne devāḥ parā vahantu vaghriḥ yathā asat vithuraḥ na sādhuḥ ..11..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In