Gyaandweep | Atharva Veda , Kanda 19, Sukta 35

इन्द्रस्य नाम गृह्णन्त ऋषयो जङ्गिडं ददुः ।देवा यं चक्रुर्भेषजमग्रे विष्कन्धदूषणम् ॥१॥

indrasya nāma gṛhṇanta ṛṣayo jaṅgiḍaṃ daduḥ |devā yaṃ cakrurbheṣajamagre viṣkandhadūṣaṇam ||1||

स नो रक्षतु जङ्गिडो धनपालो धनेव ।देवा यं चक्रुर्ब्राह्मणाः परिपाणमरातिहम् ॥२॥

sa no rakṣatu jaṅgiḍo dhanapālo dhaneva |devā yaṃ cakrurbrāhmaṇāḥ paripāṇamarātiham ||2||

दुर्हार्दः संघोरं चक्षुः पापकृत्वानमागमम् ।तांस्त्वं सहस्रचक्षो प्रतीबोधेन नाशय परिपाणोऽसि जङ्गिडः ॥३॥

durhārdaḥ saṃghoraṃ cakṣuḥ pāpakṛtvānamāgamam |tāṃstvaṃ sahasracakṣo pratībodhena nāśaya paripāṇo'si jaṅgiḍaḥ ||3||

परि मा दिवः परि मा पृथिव्याः पर्यन्तरिक्षात्परि मा वीरुद्भ्यः ।परि मा भूतात्परि मोत भव्याद्दिशोदिशो जङ्गिडः पात्वस्मान् ॥४॥

pari mā divaḥ pari mā pṛthivyāḥ paryantarikṣātpari mā vīrudbhyaḥ |pari mā bhūtātpari mota bhavyāddiśodiśo jaṅgiḍaḥ pātvasmān ||4||

य ऋष्णवो देवकृता य उतो ववृतेऽन्यः ।सर्वांस्तान् विश्वभेषजोऽरसां जङ्गिडस्करत्॥५॥

ya ṛṣṇavo devakṛtā ya uto vavṛte'nyaḥ |sarvāṃstān viśvabheṣajo'rasāṃ jaṅgiḍaskarat||5||

Languages