ऐतु देवस्त्रायमाणः कुष्ठो हिमवतस्परि ।तक्मानं सर्वं नाशय सर्वाश्च यातुधान्यः ॥१॥
aitu devastrāyamāṇaḥ kuṣṭho himavataspari |takmānaṃ sarvaṃ nāśaya sarvāśca yātudhānyaḥ ||1||
त्रीणि ते कुष्ठ नामानि नद्यमारो नद्यारिषः ।नद्यायं पुरुषो रिषत्।यस्मै परिब्रवीमि त्वा सायंप्रातरथो दिवा ॥२॥
trīṇi te kuṣṭha nāmāni nadyamāro nadyāriṣaḥ |nadyāyaṃ puruṣo riṣat|yasmai paribravīmi tvā sāyaṃprātaratho divā ||2||
जीवला नाम ते माता जीवन्तो नाम ते पिता ।नद्यायं पुरुषो रिषत्।यस्मै परिब्रवीमि त्वा सायंप्रातरथो दिवा ॥३॥
jīvalā nāma te mātā jīvanto nāma te pitā |nadyāyaṃ puruṣo riṣat|yasmai paribravīmi tvā sāyaṃprātaratho divā ||3||
उत्तमो अस्योषधीनामनड्वान् जगतामिव व्याघ्रः श्वपदामिव ।नद्यायं पुरुषो रिषत्।यस्मै परिब्रवीमि त्वा सायंप्रातरथो दिवा ॥४॥
uttamo asyoṣadhīnāmanaḍvān jagatāmiva vyāghraḥ śvapadāmiva |nadyāyaṃ puruṣo riṣat|yasmai paribravīmi tvā sāyaṃprātaratho divā ||4||
त्रिः शाम्बुभ्यो अङ्गिरेभ्यस्त्रिरादित्येभ्यस्परि ।त्रिर्जातो विश्वदेवेभ्यः ।स कुष्ठो विश्वभेषजः साकं सोमेन तिष्ठति । तक्मानं सर्व नाशय सर्वाश्च यातुधान्य ॥५॥
triḥ śāmbubhyo aṅgirebhyastrirādityebhyaspari |trirjāto viśvadevebhyaḥ |sa kuṣṭho viśvabheṣajaḥ sākaṃ somena tiṣṭhati | takmānaṃ sarva nāśaya sarvāśca yātudhānya ||5||
अश्वत्थो देवसदनस्तृतीयस्यामितो दिवि ।तत्रामृतस्य चक्षणं ततः कुष्ठो अजायत ।स कुष्ठो विश्वभेषजः साकं सोमेन तिष्ठति । तक्मानं सर्व नाशय सर्वाश्च यातुधान्य ॥६॥
aśvattho devasadanastṛtīyasyāmito divi |tatrāmṛtasya cakṣaṇaṃ tataḥ kuṣṭho ajāyata |sa kuṣṭho viśvabheṣajaḥ sākaṃ somena tiṣṭhati | takmānaṃ sarva nāśaya sarvāśca yātudhānya ||6||
हिरण्ययी नौरचरद्धिरण्यबन्धना दिवि ।तत्रामृतस्य चक्षणं ततः कुष्ठो अजायत ।स कुष्ठो विश्वभेषजः साकं सोमेन तिष्ठति । तक्मानं सर्व नाशय सर्वाश्च यातुधान्य ॥७॥
hiraṇyayī nauracaraddhiraṇyabandhanā divi |tatrāmṛtasya cakṣaṇaṃ tataḥ kuṣṭho ajāyata |sa kuṣṭho viśvabheṣajaḥ sākaṃ somena tiṣṭhati | takmānaṃ sarva nāśaya sarvāśca yātudhānya ||7||
यत्र नावप्रभ्रंशनं यत्र हिमवतः शिरः ।तत्रामृतस्य चक्षणं ततः कुष्ठो अजायत ।स कुष्ठो विश्वभेषजः साकं सोमेन तिष्ठति । तक्मानं सर्व नाशय सर्वाश्च यातुधान्य ॥८॥
yatra nāvaprabhraṃśanaṃ yatra himavataḥ śiraḥ |tatrāmṛtasya cakṣaṇaṃ tataḥ kuṣṭho ajāyata |sa kuṣṭho viśvabheṣajaḥ sākaṃ somena tiṣṭhati | takmānaṃ sarva nāśaya sarvāśca yātudhānya ||8||
यं त्वा वेद पूर्व इक्ष्वाको यं वा त्वा कुष्ठ काम्यः ।यं वा वसो यमात्स्यस्तेनासि विश्वभेषजः ॥९॥
yaṃ tvā veda pūrva ikṣvāko yaṃ vā tvā kuṣṭha kāmyaḥ |yaṃ vā vaso yamātsyastenāsi viśvabheṣajaḥ ||9||
शीर्षशोकं तृतीयकं सदंदिर्यश्च हायनः ।तक्मानं विश्वधावीर्याधराञ्चं परा सुव ॥१०॥
śīrṣaśokaṃ tṛtīyakaṃ sadaṃdiryaśca hāyanaḥ |takmānaṃ viśvadhāvīryādharāñcaṃ parā suva ||10||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
