Gyaandweep | Atharva Veda , Kanda 19, Sukta 42

ब्रह्म होता ब्रह्म यज्ञा ब्रह्मणा स्वरवो मिताः ।अध्वर्युर्ब्रह्मणो जातो ब्रह्मणोऽन्तर्हितं हविः ॥१॥

brahma hotā brahma yajñā brahmaṇā svaravo mitāḥ |adhvaryurbrahmaṇo jāto brahmaṇo'ntarhitaṃ haviḥ ||1||

ब्रह्म स्रुचो घृतवतीर्ब्रह्मणा वेदिरुद्धिता ।ब्रह्म यज्ञस्य तत्त्वं च ऋत्विजो ये हविष्कृतः ।शमिताय स्वाहा ॥२॥

brahma sruco ghṛtavatīrbrahmaṇā vediruddhitā |brahma yajñasya tattvaṃ ca ṛtvijo ye haviṣkṛtaḥ |śamitāya svāhā ||2||

अंहोमुचे प्र भरे मनीषामा सुत्राव्णे सुमतिमावृणानः ।इममिन्द्र प्रति हव्यं गृभाय सत्याः सन्तु यजमानस्य कामाः ॥३॥

aṃhomuce pra bhare manīṣāmā sutrāvṇe sumatimāvṛṇānaḥ |imamindra prati havyaṃ gṛbhāya satyāḥ santu yajamānasya kāmāḥ ||3||

अंहोमुचं व्र्षभं यज्ञियानां विराजन्तं प्रथममध्वराणम् ।अपां नपातमश्विना हुवे धिय इन्द्रियेण त इन्द्रियं दत्तमोजः ॥४॥

aṃhomucaṃ vrṣabhaṃ yajñiyānāṃ virājantaṃ prathamamadhvarāṇam |apāṃ napātamaśvinā huve dhiya indriyeṇa ta indriyaṃ dattamojaḥ ||4||

Languages