Gyaandweep | Atharva Veda , Kanda 19, Sukta 64

Sukta 1

अग्ने समिधमाहार्षं बृहते जातवेदसे ।स मे श्रद्धां च मेधां च जातवेदाः प्र यच्छतु ॥१॥

PADACHEDA

अग्ने समिधम् आहार्षम् बृहते जातवेदसे ।स मे श्रद्धाम् च मेधाम् च जातवेदाः प्र यच्छतु ॥१॥

agne samidham āhārṣam bṛhate jātavedase .sa me śraddhām ca medhām ca jātavedāḥ pra yacchatu ..1..

Sukta 2

इध्मेन त्वा जातवेदः समिधा वर्धयामसि ।तथा त्वमस्मान् वर्धय प्रजया च धनेन च ॥२॥

इध्मेन त्वा जातवेदः समिधा वर्धयामसि ।तथा त्वम् अस्मान् वर्धय प्रजया च धनेन च ॥२॥

idhmena tvā jātavedaḥ samidhā vardhayāmasi .tathā tvam asmān vardhaya prajayā ca dhanena ca ..2..

Sukta 3

यदग्ने यानि कानि चिदा ते दारूणि दध्मसि ।सर्वं तदस्तु मे शिवं तज्जुषस्व यविष्ठ्य ॥३॥

यत् अग्ने यानि कानि चित् आ ते दारूणि दध्मसि ।सर्वम् तत् अस्तु मे शिवम् तत् जुषस्व यविष्ठ्य ॥३॥

yat agne yāni kāni cit ā te dārūṇi dadhmasi .sarvam tat astu me śivam tat juṣasva yaviṣṭhya ..3..

Sukta 4

एतास्ते अग्ने समिधस्त्वमिद्धः समिद्भव ।आयुरस्मासु धेह्यमृतत्वमाचार्याय ॥४॥

एताः ते अग्ने समिधः त्वम् इद्धः समिध् भव ।आयुः अस्मासु धेहि अमृत-त्वम् आचार्याय ॥४॥

etāḥ te agne samidhaḥ tvam iddhaḥ samidh bhava .āyuḥ asmāsu dhehi amṛta-tvam ācāryāya ..4..