Gyaandweep | Atharva Veda , Kanda 2, Sukta 14

निःसालां धृष्णुं धिषणमेकवाद्यां जिघत्स्वम् ।सर्वाश्चण्डस्य नप्त्यो नाशयामः सदान्वाः ॥१॥

niḥsālāṃ dhṛṣṇuṃ dhiṣaṇamekavādyāṃ jighatsvam |sarvāścaṇḍasya naptyo nāśayāmaḥ sadānvāḥ ||1||

निर्वो गोष्ठादजामसि निरक्षान् निरुपानशात्।निर्वो मगुन्द्या दुहितरो गृहेभ्यश्चातयामहे ॥२॥

nirvo goṣṭhādajāmasi nirakṣān nirupānaśāt|nirvo magundyā duhitaro gṛhebhyaścātayāmahe ||2||

असौ यो अधराद्गृहस्तत्र सन्त्वराय्यः ।तत्र सेदिर्न्युच्यतु सर्वाश्च यातुधान्यः ॥३॥

asau yo adharādgṛhastatra santvarāyyaḥ |tatra sedirnyucyatu sarvāśca yātudhānyaḥ ||3||

भूतपतिर्निरजत्विन्द्रश्चेतः सदान्वाः ।गृहस्य बुध्न आसीनास्ता इन्द्रो वज्रेणाधि तिष्ठतु ॥४॥

bhūtapatirnirajatvindraścetaḥ sadānvāḥ |gṛhasya budhna āsīnāstā indro vajreṇādhi tiṣṭhatu ||4||

यदि स्थ क्षेत्रियाणां यदि वा पुरुषेषिताः ।यदि स्थ दस्युभ्यो जाता नश्यतेतः सदान्वाः ॥५॥

yadi stha kṣetriyāṇāṃ yadi vā puruṣeṣitāḥ |yadi stha dasyubhyo jātā naśyatetaḥ sadānvāḥ ||5||

परि धामान्यासामाशुर्गाष्ठामिवासरम् ।अजैषं सर्वान् आजीन् वो नश्यतेतः सदान्वाः ॥६॥

pari dhāmānyāsāmāśurgāṣṭhāmivāsaram |ajaiṣaṃ sarvān ājīn vo naśyatetaḥ sadānvāḥ ||6||

Languages