Gyaandweep | Atharva Veda , Kanda 2, Sukta 2

दिव्यो गन्धर्वो भुवनस्य यस्पतिरेक एव नमस्यो विक्ष्वीड्यः ।तं त्वा यौमि ब्रह्मणा दिव्य देव नमस्ते अस्तु दिवि ते सधस्थम् ॥१॥

divyo gandharvo bhuvanasya yaspatireka eva namasyo vikṣvīḍyaḥ |taṃ tvā yaumi brahmaṇā divya deva namaste astu divi te sadhastham ||1||

दिवि स्पृष्टो यजतः सूर्यत्वगवयाता हरसो दैव्यस्य ।मृडात्गन्धर्वो भुवनस्य यस्पतिरेक एव नमस्यः सुशेवाः ॥२॥

divi spṛṣṭo yajataḥ sūryatvagavayātā haraso daivyasya |mṛḍātgandharvo bhuvanasya yaspatireka eva namasyaḥ suśevāḥ ||2||

अनवद्याभिः समु जग्म आभिरप्सरास्वपि गन्धर्व आसीत्।समुद्र आसां सदनं म आहुर्यतः सद्य आ च परा च यन्ति ॥३॥

anavadyābhiḥ samu jagma ābhirapsarāsvapi gandharva āsīt|samudra āsāṃ sadanaṃ ma āhuryataḥ sadya ā ca parā ca yanti ||3||

अभ्रिये दिद्युन् नक्षत्रिये या विश्वावसुं गन्धर्वं सचध्वे ।ताभ्यो वो देवीर्नम इत्कृणोमि ॥४॥

abhriye didyun nakṣatriye yā viśvāvasuṃ gandharvaṃ sacadhve |tābhyo vo devīrnama itkṛṇomi ||4||

याः क्लन्दास्तमिषीचयोऽक्षकामा मनोमुहः ।ताभ्यो गन्धर्वभ्योऽप्सराभ्योऽकरं नमः ॥५॥

yāḥ klandāstamiṣīcayo'kṣakāmā manomuhaḥ |tābhyo gandharvabhyo'psarābhyo'karaṃ namaḥ ||5||

Languages