Gyaandweep | Atharva Veda , Kanda 2, Sukta 25

शं नो देवी पृश्निपर्ण्यशं निर्ऋत्या अकः ।उग्रा हि कण्वजम्भनी तामभक्षि सहस्वतीम् ॥१॥

śaṃ no devī pṛśniparṇyaśaṃ nirṛtyā akaḥ |ugrā hi kaṇvajambhanī tāmabhakṣi sahasvatīm ||1||

सहमानेयं प्रथमा पृश्निपर्ण्यजायत ।तयाहं दुर्णाम्नां शिरो वृश्चामि शकुनेरिव ॥२॥

sahamāneyaṃ prathamā pṛśniparṇyajāyata |tayāhaṃ durṇāmnāṃ śiro vṛścāmi śakuneriva ||2||

अरायमसृक्पावानं यश्च स्फातिं जिहीर्षति ।गर्भादं कण्वं नाशय पृश्निपर्णि सहस्व च ॥३॥

arāyamasṛkpāvānaṃ yaśca sphātiṃ jihīrṣati |garbhādaṃ kaṇvaṃ nāśaya pṛśniparṇi sahasva ca ||3||

गिरिमेनामा वेशय कण्वान् जीवितयोपनान् ।तांस्त्वं देवि पृश्निपर्ण्यग्निरिवानुदहन्न् इहि ॥४॥

girimenāmā veśaya kaṇvān jīvitayopanān |tāṃstvaṃ devi pṛśniparṇyagnirivānudahann ihi ||4||

पराच एनान् प्र णुद कण्वान् जीवितयोपनान् ।तमांसि यत्र गच्छन्ति तत्क्रव्यादो अजीगमम् ॥५॥

parāca enān pra ṇuda kaṇvān jīvitayopanān |tamāṃsi yatra gacchanti tatkravyādo ajīgamam ||5||

Languages