Gyaandweep | Atharva Veda , Kanda 2, Sukta 3

अदो यदवधावत्यवत्कमधि पर्वतात्।तत्ते कृणोमि भेषजं सुभेषजं यथाससि ॥१॥

ado yadavadhāvatyavatkamadhi parvatāt|tatte kṛṇomi bheṣajaṃ subheṣajaṃ yathāsasi ||1||

आदङ्गा कुविदङ्ग शतं या भेषजानि ते ।तेषामसि त्वमुत्तममनास्रावमरोगणम् ॥२॥

ādaṅgā kuvidaṅga śataṃ yā bheṣajāni te |teṣāmasi tvamuttamamanāsrāvamarogaṇam ||2||

नीचैः खनन्त्यसुरा अरुस्राणमिदं महत्।तदास्रावस्य भेषजं तदु रोगमनीनशत्॥३॥

nīcaiḥ khanantyasurā arusrāṇamidaṃ mahat|tadāsrāvasya bheṣajaṃ tadu rogamanīnaśat||3||

उपजीका उद्भरन्ति समुद्रादधि भेषजम् ।तदास्रावस्य भेषजं तदु रोगमशीशमत्॥४॥

upajīkā udbharanti samudrādadhi bheṣajam |tadāsrāvasya bheṣajaṃ tadu rogamaśīśamat||4||

अरुस्राणमिदं महत्पृथिव्या अध्युद्भृतम् ।तदास्रावस्य भेषजं तदु रोगमनीनशत्॥५॥

arusrāṇamidaṃ mahatpṛthivyā adhyudbhṛtam |tadāsrāvasya bheṣajaṃ tadu rogamanīnaśat||5||

शं नो भवन्त्वप ओषधयः शिवाः ।इन्द्रस्य वज्रो अप हन्तु रक्षस आराद्विसृष्टा इषवः पतन्तु रक्षसाम् ॥६॥

śaṃ no bhavantvapa oṣadhayaḥ śivāḥ |indrasya vajro apa hantu rakṣasa ārādvisṛṣṭā iṣavaḥ patantu rakṣasām ||6||

Languages