Gyaandweep | Atharva Veda , Kanda 2, Sukta 8

उदगातां भगवती विचृतौ नाम तारके ।वि क्षेत्रियस्य मुञ्चतामधमं पाशमुत्तमम् ॥१॥

udagātāṃ bhagavatī vicṛtau nāma tārake |vi kṣetriyasya muñcatāmadhamaṃ pāśamuttamam ||1||

अपेयं रात्र्युच्छत्वपोच्छन्त्वभिकृत्वरीः ।वीरुत्क्षेत्रियनाशन्यप क्षेत्रियमुच्छतु ॥२॥

apeyaṃ rātryucchatvapocchantvabhikṛtvarīḥ |vīrutkṣetriyanāśanyapa kṣetriyamucchatu ||2||

बभ्रोरर्जुनकाण्डस्य यवस्य ते पलाल्या तिलस्य तिलपिञ्ज्या ।वीरुत्क्षेत्रियनाशन्यप क्षेत्रियमुच्छतु ॥३॥

babhrorarjunakāṇḍasya yavasya te palālyā tilasya tilapiñjyā |vīrutkṣetriyanāśanyapa kṣetriyamucchatu ||3||

नमस्ते लाङ्गलेभ्यो नम ईषायुगेभ्यः ।वीरुत्क्षेत्रियनाशन्यप क्षेत्रियमुच्छतु ॥४॥

namaste lāṅgalebhyo nama īṣāyugebhyaḥ |vīrutkṣetriyanāśanyapa kṣetriyamucchatu ||4||

नमः सनिस्रसाक्षेभ्यो नमः संदेश्येभ्यः ।नमः क्षेत्रस्य पतये वीरुत्क्षेत्रियनाशन्यप क्षेत्रियमुच्छतु ॥५॥

namaḥ sanisrasākṣebhyo namaḥ saṃdeśyebhyaḥ |namaḥ kṣetrasya pataye vīrutkṣetriyanāśanyapa kṣetriyamucchatu ||5||

Languages