Gyaandweep | Atharva Veda , Kanda 20, Sukta 118

शग्ध्यू षु शचीपत इन्द्र विश्वाभिरूतिभिः ।भगं न हि त्वा यशसं वसुविदमनु शूर चरामसि ॥१॥

śagdhyū ṣu śacīpata indra viśvābhirūtibhiḥ |bhagaṃ na hi tvā yaśasaṃ vasuvidamanu śūra carāmasi ||1||

पौरो अश्वस्य पुरुकृद्गवामस्युत्सो देव हिरण्ययः ।नकिर्हि दानं परिमर्धिषत्त्वे यद्यद्यामि तदा भर ॥२॥

pauro aśvasya purukṛdgavāmasyutso deva hiraṇyayaḥ |nakirhi dānaṃ parimardhiṣattve yadyadyāmi tadā bhara ||2||

इन्द्रमिद्देवतातये इन्द्रं प्रयत्यध्वरे ।इन्द्रं समीके वनिनो हवामह इन्द्रं धनस्य सातये ॥३॥

indramiddevatātaye indraṃ prayatyadhvare |indraṃ samīke vanino havāmaha indraṃ dhanasya sātaye ||3||

इन्द्रो मह्ना रोदसी पप्रथच्छव इन्द्रः सूर्यमरोचयत्।इन्द्रे ह विश्वा भुवनानि येमिर इन्द्रे सुवानास इन्दवः ॥४॥

indro mahnā rodasī paprathacchava indraḥ sūryamarocayat|indre ha viśvā bhuvanāni yemira indre suvānāsa indavaḥ ||4||

Languages