Gyaandweep | Atharva Veda , Kanda 20, Sukta 141

यातं छर्दिष्पा उत परस्पा भूतं जगत्पा उत नस्तनूपा ।वर्तिस्तोकाय तनयाय यातम् ॥१॥

yātaṃ chardiṣpā uta paraspā bhūtaṃ jagatpā uta nastanūpā |vartistokāya tanayāya yātam ||1||

यदिन्द्रेण सरथं याथो अश्विना यद्वा वायुना भवथः समोकसा ।यदादित्येभिर्ऋभुभिः सजोषसा यद्वा विष्णोर्विक्रमणेषु तिष्ठथः ॥२॥

yadindreṇa sarathaṃ yātho aśvinā yadvā vāyunā bhavathaḥ samokasā |yadādityebhirṛbhubhiḥ sajoṣasā yadvā viṣṇorvikramaṇeṣu tiṣṭhathaḥ ||2||

यदद्याश्विनावहं हुवेय वाजसातये ।यत्पृत्सु तुर्वणे सनस्तच्छ्रेष्ठमश्विनोरवः ॥३॥

yadadyāśvināvahaṃ huveya vājasātaye |yatpṛtsu turvaṇe sanastacchreṣṭhamaśvinoravaḥ ||3||

आ नूनं यातमश्विनेमा हव्यानि वां हिता ।इमे सोमासो अधि तुर्वशे यदाविमे कण्वेषु वामथ ॥४॥

ā nūnaṃ yātamaśvinemā havyāni vāṃ hitā |ime somāso adhi turvaśe yadāvime kaṇveṣu vāmatha ||4||

यन् नासत्या पराके अर्वाके अस्ति भेषजम् ।तेन नूनं विमदाय प्रचेतसा छर्दिर्वत्साय यच्छतम् ॥५॥

yan nāsatyā parāke arvāke asti bheṣajam |tena nūnaṃ vimadāya pracetasā chardirvatsāya yacchatam ||5||

Languages