| |
|

This overlay will guide you through the buttons:

Sukta 1
आ तू न इन्द्र मद्र्यग्घुवानः सोमपीतये ।हरिभ्यां याह्यद्रिवः ॥१॥

PADACHEDA

आ तु नः इन्द्र मद्र्यक् हुवानः सोम-पीतये ।हरिभ्याम् याहि अद्रिवस् ॥१॥

TRANSLITERATION

ā tu naḥ indra madryak huvānaḥ soma-pītaye .haribhyām yāhi adrivas ..1..

Sukta 2
सत्तो होता न ऋत्वियस्तिस्तिरे बर्हिरानुषक्।अयुज्रन् प्रातरद्रयः ॥२॥

PADACHEDA

सत्तः होता नः ऋत्वियः तिस्तिरे बर्हिः आनुषक्।अयुज्रन् प्रातर् अद्रयः ॥२॥

TRANSLITERATION

sattaḥ hotā naḥ ṛtviyaḥ tistire barhiḥ ānuṣak.ayujran prātar adrayaḥ ..2..

Sukta 3
इमा ब्रह्म ब्रह्मवाहः क्रियन्त आ बर्हिः सीद ।वीहि शूर पुरोलाशम् ॥३॥

PADACHEDA

इमा ब्रह्म ब्रह्म-वाहः क्रियन्ते आ बर्हिः सीद ।वीहि शूर पुरोलाशम् ॥३॥

TRANSLITERATION

imā brahma brahma-vāhaḥ kriyante ā barhiḥ sīda .vīhi śūra purolāśam ..3..

Sukta 4
रारन्धि सवनेषु ण एषु स्तोमेषु वृत्रहन् ।उक्थेष्विन्द्र गिर्वणः ॥४॥

PADACHEDA

रारन्धि सवनेषु नः एषु स्तोमेषु वृत्रहन् ।उक्थेषु इन्द्र गिर्वणः ॥४॥

TRANSLITERATION

rārandhi savaneṣu naḥ eṣu stomeṣu vṛtrahan .uktheṣu indra girvaṇaḥ ..4..

Sukta 5
मतयः सोमपामुरुं रिहन्ति शवसस्पतिम् ।इन्द्रं वत्सं न मातरः ॥५॥

PADACHEDA

मतयः सोम-पाम् उरुम् रिहन्ति शवसस्पतिम् ।इन्द्रम् वत्सम् न मातरः ॥५॥

TRANSLITERATION

matayaḥ soma-pām urum rihanti śavasaspatim .indram vatsam na mātaraḥ ..5..

Sukta 6
स मन्दस्वा ह्यन्धसो राधसे तन्वा महे ।न स्तोतारं निदे करः ॥६॥

PADACHEDA

स मन्दस्व हि अन्धसः राधसे तन्वा महे ।न स्तोतारम् निदे करः ॥६॥

TRANSLITERATION

sa mandasva hi andhasaḥ rādhase tanvā mahe .na stotāram nide karaḥ ..6..

Sukta 7
वयमिन्द्र त्वायवो हविष्मन्तो जरामहे ।उत त्वमस्मयुर्वसो ॥७॥

PADACHEDA

वयम् इन्द्र त्वायवः हविष्मन्तः जरामहे ।उत त्वम् अस्मयुः वसो ॥७॥

TRANSLITERATION

vayam indra tvāyavaḥ haviṣmantaḥ jarāmahe .uta tvam asmayuḥ vaso ..7..

Sukta 8
मारे अस्मद्वि मुमुचो हरिप्रियार्वाङ्याहि ।इन्द्र स्वधावो मत्स्वेह ॥८॥

PADACHEDA

मा आरे अस्मत् वि मुमुचः हरि-प्रिया अर्वाङ् आहि ।इन्द्र स्वधावस् मत्स्व इह ॥८॥

TRANSLITERATION

mā āre asmat vi mumucaḥ hari-priyā arvāṅ āhi .indra svadhāvas matsva iha ..8..

Sukta 9
अर्वाञ्चं त्वा सुखे रथे वहतामिन्द्र केशिना ।घृतस्नू बर्हिरासदे ॥९॥

PADACHEDA

अर्वाञ्चम् त्वा सुखे रथे वहताम् इन्द्र केशिना ।घृत-स्नू बर्हिः-आसदे ॥९॥

TRANSLITERATION

arvāñcam tvā sukhe rathe vahatām indra keśinā .ghṛta-snū barhiḥ-āsade ..9..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In