Gyaandweep | Atharva Veda , Kanda 20, Sukta 31

ता वज्रिणं मन्दिनं स्तोम्यं मद इन्द्रं रथे वहतो हर्यता हरी ।पुरूण्यस्मै सवनानि हर्यत इन्द्राय सोमा हरयो दधन्विरे ॥१॥

tā vajriṇaṃ mandinaṃ stomyaṃ mada indraṃ rathe vahato haryatā harī |purūṇyasmai savanāni haryata indrāya somā harayo dadhanvire ||1||

अरं कामाय हरयो दधन्विरे स्थिराय हिन्वन् हरयो हरी तुरा ।अर्वद्भिर्यो हरिभिर्जोषमीयते सो अस्य कामं हरिवन्तमानशे ॥२॥

araṃ kāmāya harayo dadhanvire sthirāya hinvan harayo harī turā |arvadbhiryo haribhirjoṣamīyate so asya kāmaṃ harivantamānaśe ||2||

हरिश्मशारुर्हरिकेश आयसस्तुरस्पेये यो हरिपा अवर्धत ।अर्वद्भिर्यो हरिभिर्वाजिनीवसुरति विश्वा दुरिता पारिषद्धरी ॥३॥

hariśmaśārurharikeśa āyasasturaspeye yo haripā avardhata |arvadbhiryo haribhirvājinīvasurati viśvā duritā pāriṣaddharī ||3||

श्रुवेव यस्य हरिणी विपेततुः शिप्रे वाजाय हरिणी दविध्वतः ।प्र यत्कृते चमसे मर्मृजद्धरी पीत्वा मदस्य हर्यतस्यान्धसः ॥४॥

śruveva yasya hariṇī vipetatuḥ śipre vājāya hariṇī davidhvataḥ |pra yatkṛte camase marmṛjaddharī pītvā madasya haryatasyāndhasaḥ ||4||

उत स्म सद्न हर्यतस्य पस्त्योरत्यो न वाजं हरिवामचिक्रदत्।मही चिद्धि धिषणाहर्यदोजसा बृहद्वयो दधिषे हर्यतस्चिदा ॥५॥

uta sma sadna haryatasya pastyoratyo na vājaṃ harivāmacikradat|mahī ciddhi dhiṣaṇāharyadojasā bṛhadvayo dadhiṣe haryatascidā ||5||

Languages