Gyaandweep | Atharva Veda , Kanda 20, Sukta 32

Sukta 1

आ रोदसी हर्यमाणो महित्वा नव्यंनव्यं हर्यसि मन्म नु प्रियम् ।प्र पस्त्यमसुर हर्यतं गोराविष्कृधि हरये सूर्याय ॥१॥

PADACHEDA

आ रोदसी हर्यमाणः महित्वा नव्यम् नव्यम् हर्यसि मन्म नु प्रियम् ।प्र पस्त्यम् असुर हर्यतम् गोः आविष्कृधि हरये सूर्याय ॥१॥

ā rodasī haryamāṇaḥ mahitvā navyam navyam haryasi manma nu priyam .pra pastyam asura haryatam goḥ āviṣkṛdhi haraye sūryāya ..1..

Sukta 2

आ त्वा हर्यन्तं प्रयुजो जनानां रथे वहन्तु हरिशिप्रमिन्द्र ।पिबा यथा प्रतिभृतस्य मध्वो हर्यन् यज्ञं सधमादे दशोणिम् ॥२॥

आ त्वा हर्यन्तम् प्रयुजः जनानाम् रथे वहन्तु हरि-शिप्रम् इन्द्र ।पिबाः यथा प्रतिभृतस्य मध्वः हर्यन् यज्ञम् सधमादे दश-ऊणिम् ॥२॥

ā tvā haryantam prayujaḥ janānām rathe vahantu hari-śipram indra .pibāḥ yathā pratibhṛtasya madhvaḥ haryan yajñam sadhamāde daśa-ūṇim ..2..

Sukta 3

अपाः पूर्वेषां हरिवः सुतानामथो इदं सवनं केवलं ते ।ममद्धि सोमं मधुमन्तमिन्द्र सत्रा वृषं जथर आ वृषस्व ॥३॥

अपाः पूर्वेषाम् हरिवस् सुतानाम् अथो इदम् सवनम् केवलम् ते ।ममद्धि सोमम् मधुमन्तम् इन्द्र सत्रा वृषम् जथरे आ वृषस्व ॥३॥

apāḥ pūrveṣām harivas sutānām atho idam savanam kevalam te .mamaddhi somam madhumantam indra satrā vṛṣam jathare ā vṛṣasva ..3..