| |
|

This overlay will guide you through the buttons:

Sukta 1
आ याहि सुषुमा हि त इन्द्र सोमं पिबा इमम् ।एदं बर्हिः सदो मम ॥१॥

PADACHEDA

आ याहि सुषुम हि ते इन्द्र सोमम् पिबा इमम् ।आ इदम् बर्हिः सदः मम ॥१॥

TRANSLITERATION

ā yāhi suṣuma hi te indra somam pibā imam .ā idam barhiḥ sadaḥ mama ..1..

Sukta 2
आ त्वा ब्रह्मयुजा हरी वहतामिन्द्र केशिना ।उप ब्रह्माणि नः शृणु ॥२॥

PADACHEDA

आ त्वा ब्रह्म-युजा हरी वहताम् इन्द्र केशिना ।उप ब्रह्माणि नः शृणु ॥२॥

TRANSLITERATION

ā tvā brahma-yujā harī vahatām indra keśinā .upa brahmāṇi naḥ śṛṇu ..2..

Sukta 3
ब्रह्माणस्त्वा वयं युजा सोमपामिन्द्र सोमिनः ।सुतावन्तो हवामहे ॥३॥

PADACHEDA

ब्रह्माणः त्वा वयम् युजा सोम-पाम् इन्द्र सोमिनः ।सुतावन्तः हवामहे ॥३॥

TRANSLITERATION

brahmāṇaḥ tvā vayam yujā soma-pām indra sominaḥ .sutāvantaḥ havāmahe ..3..

Sukta 4
इन्द्रमिद्गाथिनो बृहदिन्द्रमर्केभिरर्किणः ।इन्द्रं वाणीरनूषत ॥४॥

PADACHEDA

इन्द्रम् इद् गाथिनः बृहत् इन्द्रम् अर्केभिः अर्किणः ।इन्द्रम् वाणीः अनूषत ॥४॥

TRANSLITERATION

indram id gāthinaḥ bṛhat indram arkebhiḥ arkiṇaḥ .indram vāṇīḥ anūṣata ..4..

Sukta 5
इन्द्र इद्धर्योः सचा संमिश्ल आ वचोयुजा ।इन्द्रो वज्री हिरण्ययः ॥५॥

PADACHEDA

इन्द्रः इद् हर्योः सचा संमिश्लः आ वचः-युजा ।इन्द्रः वज्री हिरण्ययः ॥५॥

TRANSLITERATION

indraḥ id haryoḥ sacā saṃmiślaḥ ā vacaḥ-yujā .indraḥ vajrī hiraṇyayaḥ ..5..

Sukta 6
इन्द्रो दीर्घाय चक्षस आ सूर्यं रोहयद्दिवि ।वि गोभिरद्रिमैरयत्॥६॥

PADACHEDA

इन्द्रः दीर्घाय चक्षसे आ सूर्यम् रोहयत् दिवि ।वि गोभिः अद्रिम् ऐरयत्॥६॥

TRANSLITERATION

indraḥ dīrghāya cakṣase ā sūryam rohayat divi .vi gobhiḥ adrim airayat..6..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

नमो नमः

Practice 100+ Vedic scriptures and 1000s of chants — one verse at a time.

Sign In