| |
|

This overlay will guide you through the buttons:

Sukta 1
यच्छक्रा वाचमारुहन्न् अन्तरिक्षं सिषासथः ।सं देवा अमदन् वृषा ॥१॥
yacchakrā vācamāruhann antarikṣaṃ siṣāsathaḥ .saṃ devā amadan vṛṣā ..1..

Sukta 2
शक्रो वाचमधृष्टायोरुवाचो अधृष्णुहि ।मंहिष्ठ आ मदर्दिवि ॥२॥
śakro vācamadhṛṣṭāyoruvāco adhṛṣṇuhi .maṃhiṣṭha ā madardivi ..2..

Sukta 3
शक्रो वाचमधृष्णुहि धामधर्मन् वि राजति ।विमदन् बर्हिरासरन् ॥३॥
śakro vācamadhṛṣṇuhi dhāmadharman vi rājati .vimadan barhirāsaran ..3..

Sukta 4
तं वो दस्ममृतीषहं वसोर्मन्दानमन्धसः ।अभि वत्सं न स्वसरेषु धेनव इन्द्रं गीर्भिर्नवामहे ॥४॥
taṃ vo dasmamṛtīṣahaṃ vasormandānamandhasaḥ .abhi vatsaṃ na svasareṣu dhenava indraṃ gīrbhirnavāmahe ..4..

Sukta 5
द्युक्षं सुदानुं तविषीभिरावृतं गिरिं न पुरुभोजसम् ।क्षुमन्तं वाजं शतिनं सहस्रिणं मक्षू गोमन्तमीमहे ॥५॥
dyukṣaṃ sudānuṃ taviṣībhirāvṛtaṃ giriṃ na purubhojasam .kṣumantaṃ vājaṃ śatinaṃ sahasriṇaṃ makṣū gomantamīmahe ..5..

Sukta 6
तत्त्वा यामि सुवीर्यं तद्ब्रह्म पूर्वचित्तये ।येना यतिभ्यो भृगवे धने हिते येन प्रस्कण्वमाविथ ॥६॥
tattvā yāmi suvīryaṃ tadbrahma pūrvacittaye .yenā yatibhyo bhṛgave dhane hite yena praskaṇvamāvitha ..6..

Sukta 7
येना समुद्रमसृजो महीरपस्तदिन्द्र वृष्णि ते शवः ।सद्यः सो अस्य महिमा न संनशे यं क्षोणीरनुचक्रदे ॥७॥
yenā samudramasṛjo mahīrapastadindra vṛṣṇi te śavaḥ .sadyaḥ so asya mahimā na saṃnaśe yaṃ kṣoṇīranucakrade ..7..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In