| |
|

This overlay will guide you through the buttons:

Sukta 1
सुरूपकृत्नुमूतये सुदुघामिव गोदुहे ।जुहूमसि द्यविद्यवि ॥१॥
surūpakṛtnumūtaye sudughāmiva goduhe .juhūmasi dyavidyavi ..1..

Sukta 2
उप नः सवना गहि सोमस्य सोमपाः पिब ।गोदा इद्रेवतो मदः ॥२॥
upa naḥ savanā gahi somasya somapāḥ piba .godā idrevato madaḥ ..2..

Sukta 3
अथा ते अन्तमानां विद्याम सुमतीनाम् ।मा नो अति ख्य आ गहि ॥३॥
athā te antamānāṃ vidyāma sumatīnām .mā no ati khya ā gahi ..3..

Sukta 4
शुष्मिन्तमं न ऊतये द्युम्निनं पाहि जागृविम् ।इन्द्र सोमं शतक्रतो ॥४॥
śuṣmintamaṃ na ūtaye dyumninaṃ pāhi jāgṛvim .indra somaṃ śatakrato ..4..

Sukta 5
इन्द्रियाणि शतक्रतो या ते जनेषु पञ्चसु ।इन्द्र तानि त आ वृणे ॥५॥
indriyāṇi śatakrato yā te janeṣu pañcasu .indra tāni ta ā vṛṇe ..5..

Sukta 6
अगन्न् इन्द्र श्रवो बृहद्द्युम्नं दधिष्व दुष्टरम् ।उत्ते शुष्मं तिरामसि ॥६॥
agann indra śravo bṛhaddyumnaṃ dadhiṣva duṣṭaram .utte śuṣmaṃ tirāmasi ..6..

Sukta 7
अर्वावतो न आ गह्यथो शक्र परावतः ।उ लोको यस्ते अद्रिव इन्द्रेह तत आ गहि ॥७॥
arvāvato na ā gahyatho śakra parāvataḥ .u loko yaste adriva indreha tata ā gahi ..7..

Sukta 8
इन्द्रो अङ्ग महद्भयमभी षदप चुच्यवत्।स हि स्थिरो विचर्षनिः ॥८॥
indro aṅga mahadbhayamabhī ṣadapa cucyavat.sa hi sthiro vicarṣaniḥ ..8..

Sukta 9
इन्द्रश्च मृलयाति नो न नः पश्चादघं नशत्।भद्रं भवाति नः पुरः ॥९॥
indraśca mṛlayāti no na naḥ paścādaghaṃ naśat.bhadraṃ bhavāti naḥ puraḥ ..9..

Sukta 10
इन्द्र आशाभ्यस्परि सर्वाभ्यो अभयं करत्।जेता शत्रून् विचर्षणिः ॥१०॥
indra āśābhyaspari sarvābhyo abhayaṃ karat.jetā śatrūn vicarṣaṇiḥ ..10..

Sukta 11
क ईं वेद सुते सचा पिबन्तं कद्वयो दधे ।अयं यः पुरो विभिनत्त्योजसा मन्दानः शिप्र्यन्धसः ॥११॥
ka īṃ veda sute sacā pibantaṃ kadvayo dadhe .ayaṃ yaḥ puro vibhinattyojasā mandānaḥ śipryandhasaḥ ..11..

Sukta 12
दाना मृगो न वारणः पुरुत्रा चरथं दधे ।नकिष्ट्वा नि यमदा सुते गमो महांश्चरस्योजसा ॥१२॥
dānā mṛgo na vāraṇaḥ purutrā carathaṃ dadhe .nakiṣṭvā ni yamadā sute gamo mahāṃścarasyojasā ..12..

Sukta 13
य उग्रः सन्न् अनिष्टृत स्थिरो रणाय संस्कृतः ।यदि स्तोतुर्मघवा शृणवद्धवं नेन्द्रो योषत्या गमत्॥१३॥
ya ugraḥ sann aniṣṭṛta sthiro raṇāya saṃskṛtaḥ .yadi stoturmaghavā śṛṇavaddhavaṃ nendro yoṣatyā gamat..13..

Sukta 14
वयं घ त्वा सुतावन्त आपो न वृक्तबर्हिषः ।पवित्रस्य प्रस्रवणेषु वृत्रहन् परि स्तोतार आसते ॥१४॥
vayaṃ gha tvā sutāvanta āpo na vṛktabarhiṣaḥ .pavitrasya prasravaṇeṣu vṛtrahan pari stotāra āsate ..14..

Sukta 15
स्वरन्ति त्वा सुते नरो वसो निरेक उक्थिनः ।कदा सुतं तृषाण ओक आ गम इन्द्र स्वब्दीव वंसगः ॥१५॥
svaranti tvā sute naro vaso nireka ukthinaḥ .kadā sutaṃ tṛṣāṇa oka ā gama indra svabdīva vaṃsagaḥ ..15..

Sukta 16
कण्वेभिर्धृष्णवा धृषद्वाजं दर्षि सहस्रिणम् ।पिशङ्गरूपं मघवन् विचर्षणे मक्षू गोमन्तमीमहे ॥१६॥
kaṇvebhirdhṛṣṇavā dhṛṣadvājaṃ darṣi sahasriṇam .piśaṅgarūpaṃ maghavan vicarṣaṇe makṣū gomantamīmahe ..16..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In