| |
|

This overlay will guide you through the buttons:

Sukta 1
इन्द्र त्वा वृषभं वयं सुते सोमे हवामहे ।स पाहि मध्वो अन्धसः ॥१॥

PADACHEDA

इन्द्र त्वा वृषभम् वयम् सुते सोमे हवामहे ।स पाहि मध्वः अन्धसः ॥१॥

TRANSLITERATION

indra tvā vṛṣabham vayam sute some havāmahe .sa pāhi madhvaḥ andhasaḥ ..1..

Sukta 2
इन्द्र क्रतुविदं सुतं सोमं हर्य पुरुष्टुत ।पिबा वृषस्व तातृपिम् ॥२॥

PADACHEDA

इन्द्र क्रतु-विदम् सुतम् सोमम् हर्य पुरुष्टुत ।पिबा वृषस्व तातृपिम् ॥२॥

TRANSLITERATION

indra kratu-vidam sutam somam harya puruṣṭuta .pibā vṛṣasva tātṛpim ..2..

Sukta 3
इन्द्र प्र णो धितावानं यज्ञं विश्वेभिर्देवेभिर्।तिर स्तवान विश्पते ॥३॥

PADACHEDA

इन्द्र प्र नः धितावानम् यज्ञम् विश्वेभिः देवेभिः।तिर स्तवान विश्पते ॥३॥

TRANSLITERATION

indra pra naḥ dhitāvānam yajñam viśvebhiḥ devebhiḥ.tira stavāna viśpate ..3..

Sukta 4
इन्द्र सोमाः सुता इमे तव प्र यन्ति सत्पते ।क्षयं चन्द्रास इन्दवः ॥४॥

PADACHEDA

इन्द्र सोमाः सुताः इमे तव प्र यन्ति सत्पते ।क्षयम् चन्द्रासः इन्दवः ॥४॥

TRANSLITERATION

indra somāḥ sutāḥ ime tava pra yanti satpate .kṣayam candrāsaḥ indavaḥ ..4..

Sukta 5
दधिष्वा जठरे सुतं सोममिन्द्र वरेण्यम् ।तव द्युक्षास इन्दवः ॥५॥

PADACHEDA

दधिष्व आ जठरे सुतम् सोमम् इन्द्र वरेण्यम् ।तव द्युक्षासः इन्दवः ॥५॥

TRANSLITERATION

dadhiṣva ā jaṭhare sutam somam indra vareṇyam .tava dyukṣāsaḥ indavaḥ ..5..

Sukta 6
गिर्वणः पाहि नः सुतं मधोर्धाराभिरज्यसे ।इन्द्र त्वादातमिद्यशः ॥६॥

PADACHEDA

गिर्वणः पाहि नः सुतम् मधोः धारा अभिरज्यसे ।इन्द्र त्वादातमित् यशः ॥६॥

TRANSLITERATION

girvaṇaḥ pāhi naḥ sutam madhoḥ dhārā abhirajyase .indra tvādātamit yaśaḥ ..6..

Sukta 7
अभि द्युम्नानि वनिन इन्द्रं सचन्ते अक्षिता ।पीत्वी सोमस्य वावृधे ॥७॥

PADACHEDA

अभि द्युम्नानि वनिनः इन्द्रम् सचन्ते अक्षिता ।पीत्वी सोमस्य वावृधे ॥७॥

TRANSLITERATION

abhi dyumnāni vaninaḥ indram sacante akṣitā .pītvī somasya vāvṛdhe ..7..

Sukta 8
अर्वावतो न आ गहि परावतश्च वृत्रहन् ।इमा जुषस्व नो गिरः ॥८॥

PADACHEDA

अर्वावतः नः आ गहि परावतः च वृत्रहन् ।इमाः जुषस्व नः गिरः ॥८॥

TRANSLITERATION

arvāvataḥ naḥ ā gahi parāvataḥ ca vṛtrahan .imāḥ juṣasva naḥ giraḥ ..8..

Sukta 9
यदन्तरा परावतमर्वावतं च हूयसे ।इन्द्रेह तत आ गहि ॥९॥

PADACHEDA

यत् अन्तरा परावतम् अर्वावतम् च हूयसे ।इन्द्र इह ततस् आ गहि ॥९॥

TRANSLITERATION

yat antarā parāvatam arvāvatam ca hūyase .indra iha tatas ā gahi ..9..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In