Gyaandweep | Atharva Veda , Kanda 20, Sukta 62

Sukta 1

वयमु त्वामपूर्व्य स्थूरं न कच्चिद्भरन्तोऽवस्यवः ।वाजे चित्रं हवामहे ॥१॥

vayamu tvāmapūrvya sthūraṃ na kaccidbharanto'vasyavaḥ .vāje citraṃ havāmahe ..1..

Sukta 2

उप त्वा कर्मन्न् ऊतये स नो युवोग्रश्चक्राम यो धृषत्।त्वामिद्ध्यवितारं ववृमहे सखाय इन्द्र सानसिम् ॥२॥

upa tvā karmann ūtaye sa no yuvograścakrāma yo dhṛṣat.tvāmiddhyavitāraṃ vavṛmahe sakhāya indra sānasim ..2..

Sukta 3

यो न इदमिदं पुरा प्र वस्य आनिनाय तमु व स्तुषे ।सखाय इन्द्रमूतये ॥३॥

yo na idamidaṃ purā pra vasya ānināya tamu va stuṣe .sakhāya indramūtaye ..3..

Sukta 4

हर्यश्वं सत्पतिं चर्षणीसहं स हि ष्मा यो अमन्दत ।आ तु नः स वयति गव्यमश्व्यं स्तोतृभ्यो मघवा शतम् ॥४॥

haryaśvaṃ satpatiṃ carṣaṇīsahaṃ sa hi ṣmā yo amandata .ā tu naḥ sa vayati gavyamaśvyaṃ stotṛbhyo maghavā śatam ..4..

Sukta 5

इन्द्राय साम गायत विप्राय बृहते बृहत्।धर्मकृते विपश्चिते पनस्यवे ॥५॥

indrāya sāma gāyata viprāya bṛhate bṛhat.dharmakṛte vipaścite panasyave ..5..

Sukta 6

त्वमिन्द्राभिभूरसि त्वं सूर्यमरोचयः ।विश्वकर्मा विश्वदेवो महामसि ॥६॥

tvamindrābhibhūrasi tvaṃ sūryamarocayaḥ .viśvakarmā viśvadevo mahāmasi ..6..

Sukta 7

विभ्राजं ज्योतिषा स्वरगछो रोचनं दिवः ।देवास्त इन्द्र सख्याय येमिरे ॥७॥

vibhrājaṃ jyotiṣā svaragacho rocanaṃ divaḥ .devāsta indra sakhyāya yemire ..7..

Sukta 8

तं वभि प्र गायत पुरुहूतं पुरुष्टुतम् ।इन्द्रं गीर्भिस्तविषमा विवासत ॥८॥

taṃ vabhi pra gāyata puruhūtaṃ puruṣṭutam .indraṃ gīrbhistaviṣamā vivāsata ..8..

Sukta 9

यस्य द्विबर्हसो बृहत्सहो दाधार रोदसी ।गिरींरज्रामपः स्वर्वृषत्वना ॥९॥

yasya dvibarhaso bṛhatsaho dādhāra rodasī .girīṃrajrāmapaḥ svarvṛṣatvanā ..9..

Sukta 10

स राजसि पुरुष्टुतमेको वृत्राणि जिघ्नसे ।इन्द्र जैत्र श्रवस्य च यन्तवे ॥१०॥

sa rājasi puruṣṭutameko vṛtrāṇi jighnase .indra jaitra śravasya ca yantave ..10..

Languages