Gyaandweep | Atharva Veda , Kanda 20, Sukta 76

Sukta 1

वने न वा यो न्यधायि चाक्रं छुचिर्वां स्तोमो भुरणावजीगः ।यस्येदिन्द्रः पुरुदिनेषु होता नृणां नर्वो नृतमः क्षपावान् ॥१॥

vane na vā yo nyadhāyi cākraṃ chucirvāṃ stomo bhuraṇāvajīgaḥ .yasyedindraḥ purudineṣu hotā nṛṇāṃ narvo nṛtamaḥ kṣapāvān ..1..

Sukta 2

प्र ते अस्या उषसः प्रापरस्या नृतौ स्याम नृतमस्य नृणाम् ।अनु त्रिशोकः शतमावहन् नॄन् कुत्सेन रथो यो असत्ससवान् ॥२॥

pra te asyā uṣasaḥ prāparasyā nṛtau syāma nṛtamasya nṛṇām .anu triśokaḥ śatamāvahan nṝn kutsena ratho yo asatsasavān ..2..

Sukta 3

कस्ते मद इन्द्र रन्त्यो भूद्दुरो गिरो अभ्युग्रो वि धाव ।कद्वाहो अर्वागुप मा मनीषा आ त्वा शक्यामुपमं राधो अन्नैः ॥३॥

kaste mada indra rantyo bhūdduro giro abhyugro vi dhāva .kadvāho arvāgupa mā manīṣā ā tvā śakyāmupamaṃ rādho annaiḥ ..3..

Sukta 4

कदु द्युम्नमिन्द्र त्वावतो नॄन् कया धिया करसे कन् न आगन् ।मित्रो न सत्य उरुगाय भृत्या अन्ने समस्य यदसन् मनीषाः ॥४॥

kadu dyumnamindra tvāvato nṝn kayā dhiyā karase kan na āgan .mitro na satya urugāya bhṛtyā anne samasya yadasan manīṣāḥ ..4..

Sukta 5

प्रेरय सूरो अर्थं न पारं ये अस्य कामं जनिधा इव ग्मन् ।गिरश्च ये ते तुविजात पूर्वीर्नर इन्द्र प्रतिशिक्षन्त्यन्नैः ॥५॥

preraya sūro arthaṃ na pāraṃ ye asya kāmaṃ janidhā iva gman .giraśca ye te tuvijāta pūrvīrnara indra pratiśikṣantyannaiḥ ..5..

Sukta 6

मात्रे नु ते सुमिते इन्द्र पूर्वी द्यौर्मज्मना पृथिवी काव्येन ।वराय ते घृतवन्तः सुतासः स्वाद्नन् भवन्तु पीतये मधूनि ॥६॥

mātre nu te sumite indra pūrvī dyaurmajmanā pṛthivī kāvyena .varāya te ghṛtavantaḥ sutāsaḥ svādnan bhavantu pītaye madhūni ..6..

Sukta 7

आ मध्वो अस्मा असिचन्न् अमत्रमिन्द्राय पूर्णं स हि सत्यराधाः ।स वावृधे वरिमन्न् आ पृथिव्या अभि क्रत्वा नर्यः पौंस्यैश्च ॥७॥

ā madhvo asmā asicann amatramindrāya pūrṇaṃ sa hi satyarādhāḥ .sa vāvṛdhe varimann ā pṛthivyā abhi kratvā naryaḥ pauṃsyaiśca ..7..

Sukta 8

व्यानळ् इन्द्रः पृतनाः स्वोजा आस्मै यतन्ते सख्याय पूर्वीः ।आ स्मा रथं न पृतनासु तिष्ठ यं भद्रया सुमत्या चोदयासे ॥८॥

vyānal̤ indraḥ pṛtanāḥ svojā āsmai yatante sakhyāya pūrvīḥ .ā smā rathaṃ na pṛtanāsu tiṣṭha yaṃ bhadrayā sumatyā codayāse ..8..

Languages