Gyaandweep | Atharva Veda , Kanda 20, Sukta 85

Sukta 1

मा चिदन्यद्वि शंसत सखायो मा रिषण्यत ।इन्द्रमित्स्तोता वृषणं सचा सुते मुहुरुक्था च शंसत ॥१॥

PADACHEDA

मा चित् अन्यत् वि शंसत सखायः मा रिषण्यत ।इन्द्रम् इद् स्तोता वृषणम् सचा सुते मुहुर् उक्था च शंसत ॥१॥

mā cit anyat vi śaṃsata sakhāyaḥ mā riṣaṇyata .indram id stotā vṛṣaṇam sacā sute muhur ukthā ca śaṃsata ..1..

Sukta 2

अवक्रक्षिणं वृषभं यथाजुरं गां न चर्षणीसहम् ।विद्वेषणं संवननोभयंकरं मंहिष्ठमुभयाविनम् ॥२॥

अवक्रक्षिणम् वृषभम् यथा जुरम् गाम् न चर्षणी-सहम् ।विद्वेषणम् संवनन-उभयंकरम् मंहिष्ठम् उभयाविनम् ॥२॥

avakrakṣiṇam vṛṣabham yathā juram gām na carṣaṇī-saham .vidveṣaṇam saṃvanana-ubhayaṃkaram maṃhiṣṭham ubhayāvinam ..2..

Sukta 3

यच्चिद्धि त्वा जना इमे नाना हवन्त ऊतये ।अस्माकं ब्रह्मेदमिन्द्र भूतु तेऽहा विश्वा च वर्धनम् ॥३॥

यत् चित् हि त्वा जनाः इमे नाना हवन्ते ऊतये ।अस्माकम् ब्रह्म इदम् इन्द्र भूतु ते अहा विश्वा च वर्धनम् ॥३॥

yat cit hi tvā janāḥ ime nānā havante ūtaye .asmākam brahma idam indra bhūtu te ahā viśvā ca vardhanam ..3..

Sukta 4

वि तर्तूर्यन्ते मघवन् विपश्चितोऽर्यो विपो जनानाम् ।उप क्रमस्व पुरुरूपमा भर वाजं नेदिष्ठमूतये ॥४॥

वि तर्तूर्यन्ते मघवन् विपश्चितः अर्यः विपः जनानाम् ।उप क्रमस्व पुरु-रूपम् आ भर वाजम् नेदिष्ठम् ऊतये ॥४॥

vi tartūryante maghavan vipaścitaḥ aryaḥ vipaḥ janānām .upa kramasva puru-rūpam ā bhara vājam nediṣṭham ūtaye ..4..