Gyaandweep | Atharva Veda , Kanda 20, Sukta 90

Sukta 1

यो अद्रिभित्प्रथमजा ऋतावा बृहस्पतिराङ्गिरसो हविष्मान् ।द्विबर्हज्मा प्राघर्मसत्पिता न आ रोदसी वृषभो रोरवीति ॥१॥

PADACHEDA

यः अद्रि-भिद् प्रथम-जाः ऋतावा बृहस्पतिः आङ्गिरसः हविष्मान् ।द्विबर्हज्मा प्राघर्मसद्-पिता नः आ रोदसी वृषभः रोरवीति ॥१॥

yaḥ adri-bhid prathama-jāḥ ṛtāvā bṛhaspatiḥ āṅgirasaḥ haviṣmān .dvibarhajmā prāgharmasad-pitā naḥ ā rodasī vṛṣabhaḥ roravīti ..1..

Sukta 2

जनाय चिद्य ईवते उ लोकं बृहस्पतिर्देवहूतौ चकार ।घ्नन् वृत्राणि वि पुरो दर्दरीति जयं छत्रूंरमित्रान् पृत्सु साहन् ॥२॥

जनाय चित् यः ईवते उ लोकम् बृहस्पतिः देव-हूतौ चकार ।घ्नन् वृत्राणि वि पुरः दर्दरीति जयम् शत्रून् अमित्रान् पृत्सु साहन् ॥२॥

janāya cit yaḥ īvate u lokam bṛhaspatiḥ deva-hūtau cakāra .ghnan vṛtrāṇi vi puraḥ dardarīti jayam śatrūn amitrān pṛtsu sāhan ..2..

Sukta 3

बृहस्पतिः समजयद्वसूनि महो व्रजान् गोमते देव एषः ।अपः सिषासन्त्स्वरप्रतीतो बृहस्पतिर्हन्त्यमित्रमर्कैः ॥३॥

बृहस्पतिः समजयत् वसूनि महः व्रजान् गोमते देवः एषः ।अपः सिषासन् स्वर-प्रतीतः बृहस्पतिः हन्ति अमित्रम् अर्कैः ॥३॥

bṛhaspatiḥ samajayat vasūni mahaḥ vrajān gomate devaḥ eṣaḥ .apaḥ siṣāsan svara-pratītaḥ bṛhaspatiḥ hanti amitram arkaiḥ ..3..