Gyaandweep | Atharva Veda , Kanda 3, Sukta 25

उत्तुदस्त्वोत्तुदतु मा धृथाः शयने स्वे ।इषुः कामस्य या भीमा तया विध्यामि त्वा हृदि ॥१॥

uttudastvottudatu mā dhṛthāḥ śayane sve |iṣuḥ kāmasya yā bhīmā tayā vidhyāmi tvā hṛdi ||1||

आधीपर्णां कामशल्यामिषुं संकल्पकुल्मलाम् ।तां सुसंनतां कृत्वा कामो विध्यतु त्वा हृदि ॥२॥

ādhīparṇāṃ kāmaśalyāmiṣuṃ saṃkalpakulmalām |tāṃ susaṃnatāṃ kṛtvā kāmo vidhyatu tvā hṛdi ||2||

या प्लीहानं शोषयति कामस्येषुः सुसंनता ।प्राचीनपक्षा व्योषा तया विध्यामि त्वा हृदि ॥३॥

yā plīhānaṃ śoṣayati kāmasyeṣuḥ susaṃnatā |prācīnapakṣā vyoṣā tayā vidhyāmi tvā hṛdi ||3||

शुचा विद्धा व्योषया शुष्कास्याभि सर्प मा ।मृदुर्निमन्युः केवली प्रियवादिन्यनुव्रता ॥४॥

śucā viddhā vyoṣayā śuṣkāsyābhi sarpa mā |mṛdurnimanyuḥ kevalī priyavādinyanuvratā ||4||

आजामि त्वाजन्या परि मातुरथो पितुः ।यथा मम क्रतावसो मम चित्तमुपायसि ॥५॥

ājāmi tvājanyā pari māturatho pituḥ |yathā mama kratāvaso mama cittamupāyasi ||5||

व्यस्यै मित्रावरुणौ हृदश्चित्तान्यस्यतम् ।अथैनामक्रतुं कृत्वा ममैव कृणुतं वशे ॥६॥

vyasyai mitrāvaruṇau hṛdaścittānyasyatam |athaināmakratuṃ kṛtvā mamaiva kṛṇutaṃ vaśe ||6||

Languages