| |
|

This overlay will guide you through the buttons:

Sukta 1
हरिणस्य रघुष्यदोऽधि शीर्षणि भेषजम् ।स क्षेत्रियं विषाणया विषूचीनमनीनशत्॥१॥

PADACHEDA

हरिणस्य रघुष्यदः अधि शीर्षणि भेषजम् ।स क्षेत्रियम् विषाणया विषूचीनम् अनीनशत्॥१॥

TRANSLITERATION

hariṇasya raghuṣyadaḥ adhi śīrṣaṇi bheṣajam .sa kṣetriyam viṣāṇayā viṣūcīnam anīnaśat..1..

Sukta 2
अनु त्वा हरिणो वृषा पद्भिश्चतुर्भिरक्रमीत्।विषाणे वि ष्य गुष्पितं यदस्य क्षेत्रियं हृदि ॥२॥

PADACHEDA

अनु त्वा हरिणः वृषा पद्भिः चतुर्भिः अक्रमीत्।विषाणे वि स्य गुष्पितम् यत् अस्य क्षेत्रियम् हृदि ॥२॥

TRANSLITERATION

anu tvā hariṇaḥ vṛṣā padbhiḥ caturbhiḥ akramīt.viṣāṇe vi sya guṣpitam yat asya kṣetriyam hṛdi ..2..

Sukta 3
अदो यदवरोचते चतुष्पक्षमिव छदिः ।तेना ते सर्वं क्षेत्रियमङ्गेभ्यो नाशयामसि ॥३॥

PADACHEDA

अदः यत् अवरोचते चतुष्पक्षम् इव छदिः ।तेन ते सर्वम् क्षेत्रियम् अङ्गेभ्यः नाशयामसि ॥३॥

TRANSLITERATION

adaḥ yat avarocate catuṣpakṣam iva chadiḥ .tena te sarvam kṣetriyam aṅgebhyaḥ nāśayāmasi ..3..

Sukta 4
अमू ये दिवि सुभगे विचृतौ नाम तारके ।वि क्षेत्रियस्य मुञ्चतामधमं पाशमुत्तमम् ॥४॥

PADACHEDA

अमू ये दिवि सुभगे विचृतौ नाम तारके ।वि क्षेत्रियस्य मुञ्चताम् अधमम् पाशम् उत्तमम् ॥४॥

TRANSLITERATION

amū ye divi subhage vicṛtau nāma tārake .vi kṣetriyasya muñcatām adhamam pāśam uttamam ..4..

Sukta 5
आप इद्वा उ भेषजीरापो अमीवचातनीः ।आपो विश्वस्य भेषजीस्तास्त्वा मुञ्चन्तु क्षेत्रियात्॥५॥

PADACHEDA

आपः इद् वै उ भेषजीः आपः अमीव-चातनीः ।आपः विश्वस्य भेषजीः ताः त्वा मुञ्चन्तु क्षेत्रियात्॥५॥

TRANSLITERATION

āpaḥ id vai u bheṣajīḥ āpaḥ amīva-cātanīḥ .āpaḥ viśvasya bheṣajīḥ tāḥ tvā muñcantu kṣetriyāt..5..

Sukta 6
यदासुतेः क्रियमानायाः क्षेत्रियं त्वा व्यानशे ।वेदाहं तस्य भेषजं क्षेत्रियं नाशयामि त्वत्॥६॥

PADACHEDA

यत् आसुतेः क्रियमाणायाः क्षेत्रियम् त्वा व्यानशे ।वेद अहम् तस्य भेषजम् क्षेत्रियम् नाशयामि त्वत्॥६॥

TRANSLITERATION

yat āsuteḥ kriyamāṇāyāḥ kṣetriyam tvā vyānaśe .veda aham tasya bheṣajam kṣetriyam nāśayāmi tvat..6..

Sukta 7
अपवासे नक्षत्राणामपवास उषसामुत ।अपास्मत्सर्वं दुर्भूतमप क्षेत्रियमुच्छतु ॥७॥

PADACHEDA

अपवासे नक्षत्राणाम् अपवासे उषसाम् उत ।अप अस्मत् सर्वम् दुर्भूतम् अप क्षेत्रियम् उच्छतु ॥७॥

TRANSLITERATION

apavāse nakṣatrāṇām apavāse uṣasām uta .apa asmat sarvam durbhūtam apa kṣetriyam ucchatu ..7..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In