Gyaandweep | Atharva Veda , Kanda 4, Sukta 12

रोहण्यसि रोहण्यस्थ्नश्छिन्नस्य रोहणी ।रोहयेदमरुन्धति ॥१॥

rohaṇyasi rohaṇyasthnaśchinnasya rohaṇī |rohayedamarundhati ||1||

यत्ते रिष्टं यत्ते द्युत्तमस्ति पेष्ट्रं त आत्मनि ।धाता तद्भद्रया पुनः सं दधत्परुषा परुः ॥२॥

yatte riṣṭaṃ yatte dyuttamasti peṣṭraṃ ta ātmani |dhātā tadbhadrayā punaḥ saṃ dadhatparuṣā paruḥ ||2||

सं ते मज्जा मज्ज्ञा भवतु समु ते परुषा परुः ।सं ते मांसस्य विस्रस्तं समस्थ्यपि रोहतु ॥३॥

saṃ te majjā majjñā bhavatu samu te paruṣā paruḥ |saṃ te māṃsasya visrastaṃ samasthyapi rohatu ||3||

मज्जा मज्ञा सं धीयतां चर्मणा चर्म रोहतु ।असृक्ते अस्थि रोहतु मांसं मांसेन रोहतु ॥४॥

majjā majñā saṃ dhīyatāṃ carmaṇā carma rohatu |asṛkte asthi rohatu māṃsaṃ māṃsena rohatu ||4||

लोम लोम्ना सं कल्पया त्वचा सं कल्पया त्वचम् ।असृक्ते अस्थि रोहतु छिन्नं सं धेह्योषधे ॥५॥

loma lomnā saṃ kalpayā tvacā saṃ kalpayā tvacam |asṛkte asthi rohatu chinnaṃ saṃ dhehyoṣadhe ||5||

स उत्तिष्ठ प्रेहि प्र द्रव रथः सुचक्रः ।सुपविः सुनाभिः प्रति तिष्ठोर्ध्वः ॥६॥

sa uttiṣṭha prehi pra drava rathaḥ sucakraḥ |supaviḥ sunābhiḥ prati tiṣṭhordhvaḥ ||6||

यदि कर्तं पतित्वा संशश्रे यदि वाश्मा प्रहृतो जघान ।ऋभू रथस्येवाङ्गानि सं दधत्परुषा परुः ॥७॥

yadi kartaṃ patitvā saṃśaśre yadi vāśmā prahṛto jaghāna |ṛbhū rathasyevāṅgāni saṃ dadhatparuṣā paruḥ ||7||

Languages