Gyaandweep | Atharva Veda , Kanda 4, Sukta 18

समं ज्योतिः सूर्येणाह्ना रात्री समावती ।कृणोमि सत्यमूतयेऽरसाः सन्तु कृत्वरीः ॥१॥

samaṃ jyotiḥ sūryeṇāhnā rātrī samāvatī |kṛṇomi satyamūtaye'rasāḥ santu kṛtvarīḥ ||1||

यो देवाः कृत्यां कृत्वा हरादविदुषो गृहम् ।वत्सो धारुरिव मातरं तं प्रत्यगुप पद्यताम् ॥२॥

yo devāḥ kṛtyāṃ kṛtvā harādaviduṣo gṛham |vatso dhāruriva mātaraṃ taṃ pratyagupa padyatām ||2||

अमा कृत्वा पाप्मानं यस्तेनान्यं जिघांसति ।अश्मानस्तस्यां दग्धायां बहुलाः फट्करिक्रति ॥३॥

amā kṛtvā pāpmānaṃ yastenānyaṃ jighāṃsati |aśmānastasyāṃ dagdhāyāṃ bahulāḥ phaṭkarikrati ||3||

सहस्रधामन् विशिखान् विग्रीवां छायया त्वम् ।प्रति स्म चक्रुषे कृत्यां प्रियां प्रियावते हर ॥४॥

sahasradhāman viśikhān vigrīvāṃ chāyayā tvam |prati sma cakruṣe kṛtyāṃ priyāṃ priyāvate hara ||4||

अनयाहमोषध्या सर्वाः कृत्या अदूदुषम् ।यां क्षेत्रे चक्रुर्यां गोषु यां वा ते पुरुषेषु ॥५॥

anayāhamoṣadhyā sarvāḥ kṛtyā adūduṣam |yāṃ kṣetre cakruryāṃ goṣu yāṃ vā te puruṣeṣu ||5||

यश्चकार न शशाक कर्तुं शश्रे पादमङ्गुरिम् ।चकार भद्रमस्मभ्यमात्मने तपनं तु सः ॥६॥

yaścakāra na śaśāka kartuṃ śaśre pādamaṅgurim |cakāra bhadramasmabhyamātmane tapanaṃ tu saḥ ||6||

अपामार्गोऽप मार्ष्टु क्षेत्रियं शपथश्च यः ।अपाह यातुधानीरप सर्वा अराय्यः ॥७॥

apāmārgo'pa mārṣṭu kṣetriyaṃ śapathaśca yaḥ |apāha yātudhānīrapa sarvā arāyyaḥ ||7||

अपमृज्य यातुधानान् अप सर्वा अराय्यः ।अपामार्ग त्वया वयं सर्वं तदप मृज्महे ॥८॥

apamṛjya yātudhānān apa sarvā arāyyaḥ |apāmārga tvayā vayaṃ sarvaṃ tadapa mṛjmahe ||8||

Languages