Gyaandweep | Atharva Veda , Kanda 4, Sukta 35

Sukta 1

यमोदनं प्रथमजा ऋतस्य प्रजापतिस्तपसा ब्रह्मणेऽपचत्।यो लोकानां विधृतिर्नाभिरेषात्तेनौदनेनाति तराणि मृत्युम् ॥१॥

yamodanaṃ prathamajā ṛtasya prajāpatistapasā brahmaṇe'pacat.yo lokānāṃ vidhṛtirnābhireṣāttenaudanenāti tarāṇi mṛtyum ..1..

Sukta 2

येनातरन् भूतकृतोऽति मृत्युं यमन्वविन्दन् तपसा श्रमेण ।यं पपाच ब्रह्मणे ब्रह्म पूर्वं तेनौदनेनाति तराणि मृत्युम् ॥२॥

yenātaran bhūtakṛto'ti mṛtyuṃ yamanvavindan tapasā śrameṇa .yaṃ papāca brahmaṇe brahma pūrvaṃ tenaudanenāti tarāṇi mṛtyum ..2..

Sukta 3

यो दाधार पृथिवीं विश्वभोजसं यो अन्तरिक्षमापृणाद्रसेन ।यो अस्तभ्नाद्दिवमूर्ध्वो महिम्ना तेनौदनेनाति तराणि मृत्युम् ॥३॥

yo dādhāra pṛthivīṃ viśvabhojasaṃ yo antarikṣamāpṛṇādrasena .yo astabhnāddivamūrdhvo mahimnā tenaudanenāti tarāṇi mṛtyum ..3..

Sukta 4

यस्मान् मासा निर्मितास्त्रिंशदराः संवत्सरो यस्मान् निर्मितो द्वादशारः ।अहोरात्रा यं परियन्तो नापुस्तेनौदनेनाति तराणि मृत्युम् ॥४॥

yasmān māsā nirmitāstriṃśadarāḥ saṃvatsaro yasmān nirmito dvādaśāraḥ .ahorātrā yaṃ pariyanto nāpustenaudanenāti tarāṇi mṛtyum ..4..

Sukta 5

यः प्राणदः प्राणदवान् बभूव यस्मै लोका घृतवन्तः क्षरन्ति ।ज्योतिष्मतीः प्रदिशो यस्य सर्वास्तेनौदनेनाति तराणि मृत्युम् ॥५॥

yaḥ prāṇadaḥ prāṇadavān babhūva yasmai lokā ghṛtavantaḥ kṣaranti .jyotiṣmatīḥ pradiśo yasya sarvāstenaudanenāti tarāṇi mṛtyum ..5..

Sukta 6

यस्मात्पक्वादमृतं संबभूव यो गायत्र्या अधिपतिर्बभूव ।यस्मिन् वेदा निहिता विश्वरूपास्तेनौदनेनाति तराणि मृत्युम् ॥६॥

yasmātpakvādamṛtaṃ saṃbabhūva yo gāyatryā adhipatirbabhūva .yasmin vedā nihitā viśvarūpāstenaudanenāti tarāṇi mṛtyum ..6..

Sukta 7

अव बाधे द्विषन्तं देवपीयुं सपत्ना ये मेऽप ते भवन्तु ।ब्रह्मौदनं विश्वजितं पचामि शृण्वन्तु मे श्रद्दधानस्य देवाः ॥७॥

ava bādhe dviṣantaṃ devapīyuṃ sapatnā ye me'pa te bhavantu .brahmaudanaṃ viśvajitaṃ pacāmi śṛṇvantu me śraddadhānasya devāḥ ..7..

Languages