Gyaandweep | Atharva Veda , Kanda 4, Sukta 4

Sukta 1

यां त्वा गन्धर्वो अखनद्वरुणाय मृतभ्रजे ।तां त्वा वयं खनामस्योषधिं शेपहर्षणीम् ॥१॥

yāṃ tvā gandharvo akhanadvaruṇāya mṛtabhraje .tāṃ tvā vayaṃ khanāmasyoṣadhiṃ śepaharṣaṇīm ..1..

Sukta 2

उदुषा उदु सूर्य उदिदं मामकं वचः ।उदेजतु प्रजापतिर्वृषा शुष्मेण वाजिना ॥२॥

uduṣā udu sūrya udidaṃ māmakaṃ vacaḥ .udejatu prajāpatirvṛṣā śuṣmeṇa vājinā ..2..

Sukta 3

यथा स्म ते विरोहतोऽभितप्तमिवानति ।ततस्ते शुष्मवत्तरमियं कृणोत्वोषधिः ॥३॥

yathā sma te virohato'bhitaptamivānati .tataste śuṣmavattaramiyaṃ kṛṇotvoṣadhiḥ ..3..

Sukta 4

उच्छुष्मौषधीनां सारा ऋषभाणाम् ।सं पुंसामिन्द्र वृष्ण्यमस्मिन् धेहि तनूवशिन् ॥४॥

ucchuṣmauṣadhīnāṃ sārā ṛṣabhāṇām .saṃ puṃsāmindra vṛṣṇyamasmin dhehi tanūvaśin ..4..

Sukta 5

अपां रसः प्रथमजोऽथो वनस्पतीनाम् ।उत सोमस्य भ्रातास्युतार्शमसि वृष्ण्यम् ॥५॥

apāṃ rasaḥ prathamajo'tho vanaspatīnām .uta somasya bhrātāsyutārśamasi vṛṣṇyam ..5..

Sukta 6

अद्याग्ने अद्य सवितरद्य देवि सरस्वति ।अद्यास्य ब्रह्मणस्पते धनुरिवा तानया पसः ॥६॥

adyāgne adya savitaradya devi sarasvati .adyāsya brahmaṇaspate dhanurivā tānayā pasaḥ ..6..

Sukta 7

आहं तनोमि ते पसो अधि ज्यामिव धन्वनि ।क्रमस्वर्श इव रोहितमनवग्लायता सदा ॥७॥

āhaṃ tanomi te paso adhi jyāmiva dhanvani .kramasvarśa iva rohitamanavaglāyatā sadā ..7..

Sukta 8

अश्वस्याश्वतरस्याजस्य पेत्वस्य च ।अथ ऋषभस्य ये वाजास्तान् अस्मिन् धेहि तनूवशिन् ॥८॥

aśvasyāśvatarasyājasya petvasya ca .atha ṛṣabhasya ye vājāstān asmin dhehi tanūvaśin ..8..

Languages