Gyaandweep | Atharva Veda , Kanda 4, Sukta 5

Sukta 1

सहस्रशृङ्गो वृषभो यः समुद्रादुदाचरत्।तेना सहस्येना वयं नि जनान्त्स्वापयामसि ॥१॥

sahasraśṛṅgo vṛṣabho yaḥ samudrādudācarat.tenā sahasyenā vayaṃ ni janāntsvāpayāmasi ..1..

Sukta 2

न भूमिं वातो अति वाति नाति पश्यति कश्चन ।स्त्रियश्च सर्वाः स्वापय शुनश्चेन्द्रसखा चरन् ॥२॥

na bhūmiṃ vāto ati vāti nāti paśyati kaścana .striyaśca sarvāḥ svāpaya śunaścendrasakhā caran ..2..

Sukta 3

प्रोष्ठेशयास्तल्पेशया नारीर्या वह्यशीवरीः ।स्त्रियो याः पुण्यगन्धयस्ताः सर्वाः स्वापयामसि ॥३॥

proṣṭheśayāstalpeśayā nārīryā vahyaśīvarīḥ .striyo yāḥ puṇyagandhayastāḥ sarvāḥ svāpayāmasi ..3..

Sukta 4

एजदेजदजग्रभं चक्षुः प्राणमजग्रभम् ।अङ्गान्यजग्रभं सर्वा रात्रीणामतिशर्वरे ॥४॥

ejadejadajagrabhaṃ cakṣuḥ prāṇamajagrabham .aṅgānyajagrabhaṃ sarvā rātrīṇāmatiśarvare ..4..

Sukta 5

य आस्ते यश्चरति यश्च तिष्ठन् विपश्यति ।तेषां सं दध्मो अक्षीणि यथेदं हर्म्यं तथा ॥५॥

ya āste yaścarati yaśca tiṣṭhan vipaśyati .teṣāṃ saṃ dadhmo akṣīṇi yathedaṃ harmyaṃ tathā ..5..

Sukta 6

स्वप्तु माता स्वप्तु पिता स्वप्तु श्वा स्वप्तु विश्पतिः ।स्वपन्त्वस्यै ज्ञातयः स्वप्त्वयमभितो जनः ॥६॥

svaptu mātā svaptu pitā svaptu śvā svaptu viśpatiḥ .svapantvasyai jñātayaḥ svaptvayamabhito janaḥ ..6..

Sukta 7

स्वप्न स्वप्नाभिकरणेन सर्वं नि स्वापया जनम् ।ओत्सूर्यमन्यान्त्स्वापयाव्युषं जागृतादहमिन्द्र इवारिष्टो अक्षितः ॥७॥

svapna svapnābhikaraṇena sarvaṃ ni svāpayā janam .otsūryamanyāntsvāpayāvyuṣaṃ jāgṛtādahamindra ivāriṣṭo akṣitaḥ ..7..

Languages