Gyaandweep | Atharva Veda , Kanda 5, Sukta 26

यजूंषि यज्ञे समिधः स्वाहाग्निः प्रविद्वान् इह वो युनक्तु ॥१॥

yajūṃṣi yajñe samidhaḥ svāhāgniḥ pravidvān iha vo yunaktu ||1||

युनक्तु देवः सविता प्रजानन्न् अस्मिन् यज्ञे महिषः स्वाहा ॥२॥

yunaktu devaḥ savitā prajānann asmin yajñe mahiṣaḥ svāhā ||2||

इन्द्र उक्थामदान्यस्मिन् यज्ञे प्रविद्वान् युनक्तु सुयुजः स्वाहा ॥३॥

indra ukthāmadānyasmin yajñe pravidvān yunaktu suyujaḥ svāhā ||3||

प्रैषा यज्ञे निविदः स्वाहा शिष्टाः पत्नीभिर्वहतेह युक्ताः ॥४॥

praiṣā yajñe nividaḥ svāhā śiṣṭāḥ patnībhirvahateha yuktāḥ ||4||

छन्दांसि यज्ञे मरुतः स्वाहा मातेव पुत्रं पिपृतेह युक्ताः ॥५॥

chandāṃsi yajñe marutaḥ svāhā māteva putraṃ pipṛteha yuktāḥ ||5||

एयमगन् बर्हिषा प्रोक्षणीभिर्यज्ञं तन्वानादितिः स्वाहा ॥६॥

eyamagan barhiṣā prokṣaṇībhiryajñaṃ tanvānāditiḥ svāhā ||6||

विष्णुर्युनक्तु बहुधा तपांस्यस्मिन् यज्ञे सुयुजः स्वाहा ॥७॥

viṣṇuryunaktu bahudhā tapāṃsyasmin yajñe suyujaḥ svāhā ||7||

त्वष्टा युनक्तु बहुधा नु रूपा अस्मिन् यज्ञे युनक्तु सुयुजः स्वाहा ॥८॥

tvaṣṭā yunaktu bahudhā nu rūpā asmin yajñe yunaktu suyujaḥ svāhā ||8||

भगो युनक्त्वाशिषो न्वस्मा अस्मिन् यज्ञे प्रविद्वान् युनक्तु सुयुजः स्वाहा ॥९॥

bhago yunaktvāśiṣo nvasmā asmin yajñe pravidvān yunaktu suyujaḥ svāhā ||9||

सोमो युनक्तु बहुधा पयांस्यस्मिन् यज्ञे सुयुजः स्वाहा ॥१०॥

somo yunaktu bahudhā payāṃsyasmin yajñe suyujaḥ svāhā ||10||

इन्द्रो युनक्तु बहुधा पयांस्यस्मिन् यज्ञे सुयुजः स्वाहा ॥११॥

indro yunaktu bahudhā payāṃsyasmin yajñe suyujaḥ svāhā ||11||

अश्विना ब्रह्मणा यातमर्वाञ्चौ वषट्कारेण यज्ञं वर्धयन्तौ । बृहस्पते ब्रह्मणा याह्यर्वाङ्यज्ञो अयं स्वरिदं यजमानाय स्वाहा ॥१२॥

aśvinā brahmaṇā yātamarvāñcau vaṣaṭkāreṇa yajñaṃ vardhayantau |

बृहस्पते ब्रह्मणा याह्यर्वाङ्यज्ञो अयं स्वरिदं यजमानाय स्वाहा ॥१२॥

bṛhaspate brahmaṇā yāhyarvāṅyajño ayaṃ svaridaṃ yajamānāya svāhā ||12||

Languages