Gyaandweep | Atharva Veda , Kanda 6, Sukta 111

इमं मे अग्ने पुरुषं मुमुग्ध्ययं यो बद्धः सुयतो लालपीति ।अतोऽधि ते कृणवद्भागधेयं यदानुन्मदितोऽसति ॥१॥

imaṃ me agne puruṣaṃ mumugdhyayaṃ yo baddhaḥ suyato lālapīti |ato'dhi te kṛṇavadbhāgadheyaṃ yadānunmadito'sati ||1||

अग्निष्टे नि शमयतु यदि ते मन उद्युतम् ।कृणोमि विद्वान् भेषजं यथानुन्मदितोऽससि ॥२॥

agniṣṭe ni śamayatu yadi te mana udyutam |kṛṇomi vidvān bheṣajaṃ yathānunmadito'sasi ||2||

देवैनसादुन्मदितमुन्मत्तं रक्षसस्परि ।कृणोमि विद्वान् भेषजं यदानुन्मदितोऽसति ॥३॥

devainasādunmaditamunmattaṃ rakṣasaspari |kṛṇomi vidvān bheṣajaṃ yadānunmadito'sati ||3||

पुनस्त्वा दुरप्सरसः पुनरिन्द्रः पुनर्भगः ।पुनस्त्वा दुर्विश्वे देवा यथानुन्मदितोऽससि ॥४॥

punastvā durapsarasaḥ punarindraḥ punarbhagaḥ |punastvā durviśve devā yathānunmadito'sasi ||4||

Languages