Gyaandweep | Atharva Veda , Kanda 6, Sukta 121

विषाणा पाशान् वि ष्याध्यस्मद्य उत्तमा अधमा वारुणा ये ।दुष्वप्न्यं दुरितं नि ष्वास्मदथ गछेम सुकृतस्य लोकम् ॥१॥

viṣāṇā pāśān vi ṣyādhyasmadya uttamā adhamā vāruṇā ye |duṣvapnyaṃ duritaṃ ni ṣvāsmadatha gachema sukṛtasya lokam ||1||

यद्दारुणि बध्यसे यच्च रज्ज्वां यद्भूम्यां बध्यसे यच्च वाचा ।अयं तस्माद्गार्हपत्यो नो अग्निरुदिन् नयाति सुकृतस्य लोकम् ॥२॥

yaddāruṇi badhyase yacca rajjvāṃ yadbhūmyāṃ badhyase yacca vācā |ayaṃ tasmādgārhapatyo no agnirudin nayāti sukṛtasya lokam ||2||

उदगातां भगवती विचृतौ नाम तारके ।प्रेहामृतस्य यच्छतां प्रैतु बद्धकमोचनम् ॥३॥

udagātāṃ bhagavatī vicṛtau nāma tārake |prehāmṛtasya yacchatāṃ praitu baddhakamocanam ||3||

वि जिहीष्व लोकं कृणु बन्धान् मुञ्चासि बद्धकम् ।योन्या इव प्रच्युतो गर्भः पथः सर्वामनु क्षिय ॥४॥

vi jihīṣva lokaṃ kṛṇu bandhān muñcāsi baddhakam |yonyā iva pracyuto garbhaḥ pathaḥ sarvāmanu kṣiya ||4||

Languages